曾於前年收軍刀恐嚇郵包的無綫已婚主播吳璟儁，被傳跟新聞小花藍可盈有婚外情疑雲，吳璟儁於3年前跟新聞部前編輯鄭悅朗結婚，惟昨有雜誌指他跟藍可盈的知己關係維持4年，上周六吳璟儁現身藍可盈居住的天水圍寓所附近，而藍可盈被指近日疑體形發胖，並已向無綫請辭。
報道還指吳璟儁和藍可盈的關係，在新聞部內早已人盡皆知，曾經在無綫新聞部做主播的方健儀，昨現身尖沙嘴出席慈善活動，成為記者追問對象，因感冒變豆沙喉的她說：「實知你哋會問，同事私生活唔講亦唔評論。」知否對方的感情生活？她說：「大家同事，之前做晚間新聞，但冇問私生活。」
問是否相信吳璟儁疑有婚外情？她繼續封口說：「唔評論。」主播私生活是否好亂？她說：「自己只關注工作暢順，私生活冇理。」會否合作易生感情？她說：「唔會，睇心態，自己同老公感情好又係同事。」容易日久生情？她說：「各行各業都有，伍家謙都話見我多過阿媽。」
JM唔怕男友出軌
此外，同場的Janice Man表示平時低調做慈善，問到男友有否同行？JM說：「同一班人一齊，身邊所有朋友都好有愛心。」JM透露下月飛內地拍電影，明年4月才返港，愛犬要交由媽咪照顧，她笑說：「連狗都認唔到我！」有記者笑問驚男友都認不到她？JM笑說：「唔會啩，真係唔認得都唔恨。」會否擔心男友識第二個？她暗示男友會探班說：「朋友都會輪流嚟探我，呢樣唔使擔心。」
採訪：王連連
攝影：沈健程
|
鍾意就快D Share啦！
|
|
|