掃呢頁CODE去手機

2015年11月4日 星期三

做錯事 禁唔到陳年 cheap片 周柏豪扮人妖拍露點艾美琦 [FACE - 441] 艾美琦,周柏豪,柏豪,MF,



戲中周柏豪要扮女人,陪趙碩之去 model公司,呢啲咁老土嘅劇情連大台都未必有,柏豪仲要雙手托下個胸,呢啲戲有人睇先奇。

真面目

做錯事 禁唔到陳年 cheap片 周柏豪扮人妖拍露點艾美琦

男神周柏豪一向型英帥,平時張相唔型都唔擺上 ig,點知一套陳年電影《色模》,上星期靜靜雞上映,戲中周柏豪要扮女人,十足人妖咁款,加上爛片式製作,令男神形象蒙上污點。

據知柏豪當然想套戲永不超生,自己人妖 look永冇曝光嘅一日,可惜電影公司今年 4月,搵嚟騎呢艷模艾美琦補拍咗 4場露點戲,將柏豪呢套青春片「 upgrade」到甜片級數,上映兩日就落畫,柏豪無啦啦變咗票房毒藥兼甜片男主角。

30歲周柏豪是港女眼中男神,高大靚仔有才華。唱歌獲獎無數,偏偏電影就唔給力, 07年至今拍過唔少電影,但未有一套代表作,諗唔到上星期有套叫《色模》嘅電影上映,宣傳海報雖然以祼模艾美琦主打,但周柏豪張相亦相當顯眼,一個係型男、另一個係騎呢祼模,因為剪輯變「合拍片」,認真九唔搭八。

柏豪扮女人,但似人妖多啲,但當年係新人嚟講,有得演出已經好好喇,你𠵱家俾幾多錢,佢都唔願做啦。 網上圖片

除咗扮女人,柏豪都有靚仔 look,當時得 23歲嘅佢,真係小鮮肉嚟㗎。 網上圖片

𠵱家嘅柏豪係潮人,同場出席嘅都係一線藝人,有套《色模》咁嘅戲,又真係好核突嘅。

補拍 4場露點戲

周柏豪所屬公司當然唔想呢套「作品」面世啦,但當年係新人嘅佢,為咗演出任何機會都唔放過,所以就拍咗呢套《色模》, 08年叫《我要做𡃁模》嘅電影!

戲中柏豪有個扮女人造型,唔靚不特只,仲成個人妖咁,而且製作簡陋,核突到連柏豪自己都唔想有人知,當時電影爛尾,《色模》原本石沉大海,但今年 4月電影公司突然搵嚟祼模艾美琦補拍 7組戲,當中有 4場露點,令呢套原本係偶像片嘅電影變為甜片。

柏豪藐爆好正常吖,女主角艾美琦就唔介意,她說︰「唔會唔開心,劇本咁寫我咪照做囉,其實我都唔知點解搵我?佢哋搵得我好急㗎。(套電影票房低過 2萬喎?)冇可能,我自己俾錢包咗兩場,票房都唔只兩萬啦。」除咗柏豪外,賈曉晨都有份,套戲突然出土, JJ都打個突,她說:「我拍嗰陣喜劇嚟,𠵱家有人露點?唔係啩,我都唔知上咗,我都唔知俾咩反應好喇!」鹹片都係片,睇開啲囉!

後加甜故

艾美琦喺戲中場場激,先有被曹查理抽水,兩位都相當入戲。 網上圖片

戲中艾美琦有 4場露點戲,其中一場就係同亞視藝員楊正軍嘅床戲。 網上圖片

色模海報上最當眼,當然係艾美琦啦,而主演男一周柏豪(黃圈)就同眾星排喺隔離。 網上圖片

《色模》上半部分除有柏豪外,亦有賈曉晨,着咗一件頭泳衣,同叻哥有場遊艇對手戲。 網上圖片

Cult片王?

型英帥嘅柏豪,佢嘅電影路就真係坎坷喇,除咗套騎呢嘅《色模》,其實佢都拍過唔少爛片㗎!不過 fans可以當 cult片嚟睇嘅,大家觀點唔同啫!

《四非》

戲中柏豪飾演冷血殺手,仲要全裸喺垃圾堆,真係為藝術犧牲。

《沒女神探》

本年爛片之一,但柏豪就喺戲中飾演乸型富二代,同王菀之談情,兩位做得唔錯㗎,係劇情爛之嘛!

《吉祥酒店》

睇戲名就知咩料,戲中拍連詩雅,可能又係一套 cult片嚟,本週四( 5日)上映,唔係唔撐呀?

撰文、攝影:娛樂組

鍾意就快D Share啦!