2015年11月4日 星期三

你的樣子如何 教院哨牙妹醜變索 [FACE - 441 - 大專校園] MF,



蘇樂恒 Soso

香港教育學院大中華研究 Yr.3

Soso就讀教院,按道理畢業後應該做老師,收入穩定,不過她對教育工作信心不大,「始終教育下一代嘅責任太大喇,我唔知自己有冇能力教好佢哋!」

U花 U草

你的樣子如何 教院哨牙妹醜變索

正所謂「你的樣子如何,你的日子也必如何!」現實就係咁殘酷,女神同醜女,所面對嘅待遇都會好唔同。當你笑緊 Angelababy哨牙孖潤腸嘴嘅醜女相嘅時候,人哋已經嫁咗畀黃曉明做緊土豪人妻!

對𠵱家好靚女嘅蘇樂恒( Soso)嚟講,每當諗返起自己未箍牙嘅日子, 21歲的 Soso都會眼濕濕,「特別升中之後,同學都以貌取人,成日笑我樣衰又哨牙,仲試過畀自己鍾意嘅男仔當面話我核突,最怕體育堂分組,因為永遠無人肯同我一組。我自卑到學都唔想返,無地位、無朋友,就連經過聽到人笑,我都以為係笑緊自己。」

哨牙成了 Soso最大的困擾,嚴重到連醫生都叫她做正顎手術去改善儀容,最後她選擇了箍牙兩年,「仲差兩個月就箍完牙嘅時候,竟然有模特兒公司搵我做兼職模特兒,我好驚訝,亦都因為呢件事令我有返少少自信!箍完牙之後,我嘗試做一啲之前無機會做嘅嘢,就係夢想成為一位演員,為咗爭取唔同機會去實現夢想,例如見到 YouTube channel BOMBA招募演員拍片,我就去試鏡,冇錢收都無所謂!結果成功成為女主角,雖然都係照稿讀,不過可以發揮自己表演慾,過吓戲癮都好滿足,𠵱家出街有人會認得我仲叫我同佢影相,我真係好開心!」

雖然 Soso曾遭別人的唾棄和抨擊,自信心跌至谷底,但現在的她已經重拾自信,鏡頭前表現出最動人的一面。

Soso喜歡演戲,在 BOMBA片中亦多次擔正做女主角,最近出街嘅《情侶間的訪問》就有近 50萬點擊 d。

08年

自細表演慾爆棚, Soso自爆每逢小學才藝表演、跳舞比賽都第一個舉手報名,但俾人笑得多醜樣,個人就愈來愈自卑,開始收埋自己。

撰文:葉浩婷

攝影:范仲良

化妝及形象: Kika Wong

鍾意就快D Share啦!
Related Posts Plugin for WordPress, Blogger...