網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月4日 星期三

《同班同學》露得勁 導演陸以心:點解女仔裸體就係鹹濕? [FACE - 441] MF,



陸以心係《春嬌與志明》、《低俗喜劇》、《撒嬌女人最好命》同《飛虎出征》編劇,寫完《同班同學》後因監製彭浩翔想搵女導演拍,就點名陸以心,就係咁首次執導演筒。

爆 Like王

《同班同學》露得勁 導演陸以心:點解女仔裸體就係鹹濕?

電影《同班同學》上週上映, 3個女主角郭奕芯、廖子妤同麥芷誼嘅裸露戲成為焦點;導演陸以心首次執導演筒,女仔拍女仔會唔會就住就住?陸以心就講明,女仔裸體係好普通嘅事,床戲以外反而 nude得仲多,睇戲就明!

戲中敏感話題係少女援交,陸以心拍攝前訪問過多位真正援交少女,至發現現今援交妹並非為買名牌而出賣身體,真正原因你估都估唔到!

F:《 FACE》 陸:陸以心

F:有冇賣弄色情?

《同班同學》講 3個女學生做援交妹,又愛上同一個男同學,友情同性慾都受到衝擊同考驗。

陸:我喜歡用女仔角度嚟睇一啲事,好多電影係用男仔視角,所以《同班同學》掉轉;有人曾經畀意見,話場沖涼戲係咪應該放後面?啲男觀眾一開始就睇咗佢哋裸體,可能冇耐性睇套戲,嘩!我即刻 ban佢,點解我要用蘿蔔吊住佢哋嚟睇套戲呢?咁嘅話佢哋可以去睇四仔;套戲係講女仔嘅友情,唔係講性,但另一方面我唔會避開 sex,我要實在感,唔係故意色情。

F:點解戲中床戲以外嘅裸露鏡頭反而更多?

戲中好多裸露戲,導演特意租咗一間房同女主角同居幾個月嚟培養感情同信任,正式拍攝時就冇咁尷尬。

陸:我同啲朋友一齊浸溫泉都唔着衫架啦,你覺得女仔身體一定係 for男仔用,女性嘅身體可以獨立地存在㗎?點解男仔裸體就覺得係好陽光,女子裸體就好鹹濕?我覺得呢種思想唔啱,《同班同學》會盡少少力改變下大家。華語電影好多時物化咗女仔,佢哋除衫下一步就係上床,其實唔係吖,跳上床可以一個人瞓啫,所以我刻意將床戲同裸戲分開,啲黑幫片男人都焗桑拿啦,我哋沖泡泡浴之嘛!

F:女主角拍裸戲有冇尷尬或需要輔導?

郭奕芯有場戲講被邵音音打完後喪喊,但原來郭奕芯好硬淨話:「其實都唔係好痛!」激到音音姐叫佢唔好死頂。

陸:我哋一齊住咗幾個月去熟絡,除咗攝影師大部份係女工作人員;尷尬唔係最大問題,而係好攰,因為新演員成日 NG,做三十次你都癲啦,佢哋覺得做得唔好,佢哋驚,其實好正常!有時拍完喊戲,佢哋未抽離會繼續喊,咪陪下佢哋,買麥當勞畀佢哋食囉!我話唔好諗喇,肥嘅嘢聽日先減

F:點解套戲講援交好似好正常?

戲中男神王宗堯飾演嫖客,陸以心解釋:「以前援交戲啲客都好肉酸,核核突突咁,咁係一種歧視,點解唔可以係斯文靚仔?所以搵宗堯嚟做,佢同郭奕芯合作過,好快就熟絡同好放。」

陸:《同班同學》嘅訊息同一般援交片好唔同,我唔想用 90分鐘消費完啲少女胴體,然後話千祈唔好援交;拍之前訪問過好多援交少女,佢哋冇我哋想像中咁掙扎,唔係要買名牌或者要養起全家,佢哋當係一個 game,性質有啲似觀音娘娘收兵,又有錢使咁解,冇我哋想像中咁 heavy。問佢哋點解要做,佢反問點解唔做,啲同學全部都做,都幾開心吖!啲男仔又送禮物又帶出街食飯,好似有 10個男友咁,點解唔做呢?大家道德觀念都唔同。

F: 3個女主角有甚麼特質同戲中角色相似?

陸:寫劇本時有基本人物設定,但認識佢哋後有改動,譬如郭奕芯嘅角色本來再文靜啲,但我發覺佢講粗口幾好聽,所以對白上有微調,畀佢自然啲講粗口唔使忍住。麥芷誼本身有紋身,背影線條亦好靚,無論 pat pat、腳都好靚,所以好多都 take佢背面,人哋覺得三級片梗係要影晒,我覺得唔一定;另外廖子妤係馬來西亞人,本來設定係內地人,於是改馬來西亞,咁佢演得投入同舒服啲。

攝影:吳崇基

鍾意就快D Share啦!