掃呢頁CODE去手機

2015年11月25日 星期三

背後女人 男友區選落敗 十優麥明詩蒙面上樓陪通宵 [FACE - 444] 麥明詩,MF,

林作喺票站等點選結果,女友麥明詩戴住口罩平民 look現身,仲話無論輸贏都唔緊要。 真面目 背後女人 男友區選落敗 十優麥明詩蒙面上樓陪通宵 區議會選舉塵埃落定,其中今屆十優港姐麥明詩男友林作出首次參選,出戰黃大仙龍星選區,點票當 ...


林作喺票站等點選結果,女友麥明詩戴住口罩平民 look現身,仲話無論輸贏都唔緊要。

真面目

背後女人 男友區選落敗 十優麥明詩蒙面上樓陪通宵

區議會選舉塵埃落定,其中今屆十優港姐麥明詩男友林作出首次參選,出戰黃大仙龍星選區,點票當晚( 22日)麥明詩( Louisa)漏夜趕到票站撐男友,但最終林作以 334票之差輸咗俾譚香文。

Louisa雖然把口就話男友贏輸都冇所謂,但仍難掩失落之情,知道結果之後陪男友返星河明居住所通宵安慰。麥明詩贏盡全世界,男友頭仗失利梗係要安撫下。

十優港姐冠軍麥明詩男友林作係 25歲大律師,本來家住山頂,但為咗爭取黃大仙龍星區議席,去年以 622萬買入星河明居單位,雖然以獨立候選人身份參選,但被指係隱形建制派,出戰係為咗阻止泛民嘅譚香文連任。

麥明詩到場撐男友,卻一直企埋一邊未有同男友講過一句話,而林作另一好友四太仔猶亨(右)亦有同場支持。

才子陶傑陪同林作報名參選又曾開造勢大會,稱 2人理念一致,但投票當日陶傑卻冇出現票站支持。 《蘋果日報》圖片

等點票

等咗幾個鐘,約凌晨 2點就有結果,林作以 334票之差輸咗俾譚香文。

低調入票站

點票當日凌晨約 1點,麥明詩戴住眼鏡及口罩,灰色 tee街坊 look現身,怕怕醜醜咁行入票站會男友,由於當時另一票站點票結果顯示林作暫時落後, Louisa入票站前表示已打定輸數,但無論輸贏都咁支持男友。

不過 Louisa見到男友時卻非常避忌,唔敢行近男友身邊一直保持距離,又顯出一臉倦意表示要坐低,期間冇同男友講過一句話。林作對女友現身撐場則扮作冷淡,回應時不斷重複:「監緊票㗎,我仲喺度監緊票㗎!」至於 Louisa則保持笑容:「我哋一班朋友都會一齊安慰佢,我覺得贏定輸真係冇乜所謂,最緊要佢呢個過程接觸到多啲社會。我唔想影響佢嘅選情,無論好定壞,我知道佢用咗好多努力,佢係靠自己實力。」

可惜未到凌晨 2點,點票結果已證實林作落敗,林作同助選團離開前喺票站外影合照, Louisa卻閃埋一邊唔肯影,喺大家要求下 Louisa至勉強走到人群最後面,但仍然係戴實口罩避開鏡頭,低調支持避免搶男友風頭。

影完合照林作表示肚餓,但太夜冇地方醫肚,一干人等慢慢向星河明居方向走去,麥明詩從後緊隨大隊;去到星河明居齊齊上樓到林作住所休息,身為女友嘅麥明詩亦當然陪住男友,一班人到接近天光都未曾落樓。講贏運,林作拍馬唔及女友喎!

齊撤退

23日凌晨約 2點,選舉結果塵埃落定,麥明詩緊隨男友同助選團離開票站,卻刻意保持幾個身位。

齊上樓

一眾人等去到星河明居樓下,麥明詩才行前靠近男友,然後齊齊上樓。

多靚女

有指林作助選團中不乏靚女,麥明詩回應時話唔介意:「好事嚟嘅!好事嚟嘅!呢排興吖嘛!」 《蘋果日報》圖片

麥明詩扭計唔拍劇

麥明詩勝出港姐冠軍後一直未同大台傾掂合約,有報導話 Louisa最多只肯簽兩年唔想被綁死,所以到𠵱家都未有劇拍。

郭嘉文

相反同屆亞軍龐卓欣同季軍郭嘉文就好快有劇拍,最快簽約嘅郭嘉文最巴閉,喺邱禮濤導演嘅劇集《廉政行動 2016》擔正做女一,飾演新入行嘅調查員。

龐卓欣

隨後龐卓欣亦被選中演其中一角,據知下年會再力谷拍劇。

採訪、撰文:娛樂組

攝影:娛樂突發組

鍾意就快D Share啦!