網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月25日 星期三

friend番 為劉浩龍決裂 5年 何韻詩 ig半夜 add番祖兒 [FACE - 444] 祖兒,劉浩龍,浩龍,何韻詩,MF,容祖兒

曾經絕交嘅好友何韻詩又肯 add自己,對於呢件事容祖兒不回應,不過同師兄感情穩定,好友又 comeback,唔使講都知開心啦。 真面目 friend番 為劉浩龍決裂 5年 何韻詩 ig半夜 add番祖兒 自從劉浩龍同容祖兒公開戀情 ...


曾經絕交嘅好友何韻詩又肯 add自己,對於呢件事容祖兒不回應,不過同師兄感情穩定,好友又 comeback,唔使講都知開心啦。

真面目

friend番 為劉浩龍決裂 5年 何韻詩 ig半夜 add番祖兒

自從劉浩龍同容祖兒公開戀情後,何韻詩就對兩位劃清界線,指定動作首先要喺各大社交平台取消關注。雖然呢個動作好小學雞,但象徵意義係對你如同陌路,以後有乜事都唔好搵我!

好在時間可以沖淡一切,上星期四( 19日)何詩突然喺深夜鬼鬼祟祟 follow咗 8個 ig帳戶,而其中一個就係容祖兒。憑呢個舉動,以小學生嘅邏輯嚟講叫做 friend番,同番你玩㗎喇!

劉浩龍,何韻詩、容祖兒曾經 friend到三人行,但自從 12年劉浩龍暗溝容祖兒成功後,三人關係正式決裂,阿詩嘅社交平台亦取消關注二人。呢幾年劉浩龍同容祖兒戀情愈嚟愈公開,而阿詩亦同台灣女演員鄧九雲關係浮晒面。各有所愛,令呢段原本冰封了的友誼開始破冰喇。

19/11

何韻詩上週四( 19日)深夜突然 follow咗 8個 ig帳戶,其實有 7個可能係煙幕,最重要係 follow番容祖兒。

上週六( 21日)劉浩龍喺澳門賽車攞第二,頒獎嘉賓之一竟然係女友容祖兒,難得男友威威,祖兒頒獎都特別開心。

祖兒食檸檬

其實今年 1月容祖兒曾經主動想同阿詩 friend番, instagram主動 follow番何韻詩,不過曾經「用一刀插入心臟」形容傷痛嘅何詩,似乎仍未原諒呢位昔日摯友,一於當睇祖兒唔到,睬都費事。

以為佢兩個好難再破冰,點知上星期四( 19日)阿詩深夜時分突然 follow咗 8個 ig帳戶,有國家地理頻道及山系用品,但呢啲都係掩眼法,最重要係忽然覺醒再 follow番容祖兒。

對於曾公開說:「以後唔提容祖兒三個字」嘅何韻詩嚟講,呢個 follow按扭唔易㩒㗎,難得曾經嘅好姊妹兼知己 follow番,容祖兒當然開心啦,週日出席活動笑不攏嘴,但對於何韻詩再次按 follow關注,容祖兒就笑笑口話不作回應,應該係怕講錯說話得失舊好友啦。難得同男友劉龍感情穩定,好友又 comeback,情人同知己都擁有,真係那些年最好的時光喇!

YouTube畫面

最後合照

三人曾經好 friend㗎, 12年出席活動都黐到實,可惜自劉浩龍暗溝容祖兒成功後,呢張成為最後合照。

12年 插入心臟

當年被拍得同劉浩龍喺跑馬地食串燒,仲搵嚟 Wyman分散注意力,但原來當時師兄已經暗溝祖兒成功。新聞一出,何韻詩即在微博寫上「一刀插上心臟」字句,仲即時取消關注二人。

《蘋果日報》圖片

15年 祖兒主動

容祖兒同何韻詩傳過緋聞,關係好時,二人經常喺對方社交平台出現,今年 1月容祖兒曾經主動 add番何詩㗎,可惜何詩唔騷佢啫。

採訪、撰文:娛樂組

攝影:攝影組

鍾意就快D Share啦!