台灣早前爆出跨國賣淫案，唔少中港台富豪及紅星被指涉入其中，除咗台灣名模林志玲被影射，佢早前嬲爆回應之外，郭富城亦被影射係其中嘅「天王K」，不過連日來城城都冇對事件回應。
噚日城城喺澳門舉行演唱會，內地媒體訪問，城城用普通話回應，表示有留意到相關嘅賣淫新聞，但自己就「沒那麼三八的人，我只是看一下，這些東西算了不看。」，記者問到內裡涉及「天王級」人馬，而城城又係「天王級」，令好多網民猜測「天王K」係佢，城城就話:「天王有很多，我自己覺得不能去對號入座的，那個是很笨的事情，對我來說我是看看就算了。」
另外，城城訪問講到感情，依然都係嗰句「順其自然」，佢話自己咁大個人有分寸，之前講過人生下一個目標係生小朋友成家立室，又話:「當我覺得適合嘅時候就會公佈。」但強調唔會攞獎時公佈，覺得工作係工作，兩者唔應該撈亂。
城城又話:「當有一日要成家立室，我一定帶出嚟比大家見。」
|
鍾意就快D Share啦！
|
|
|