平時都算係友誼先生嘅克勤，見到鏡頭，即刻皺晒眉緊合雙唇勁睥，好唔 alright喎！ 同你吟一吟 李克勤變咗 Mr Cool 九月拍住容祖兒開咗 12場演唱會嘅李克勤，上個月同老婆盧淑儀去完日本二人世界，再一家大細去咗轉英國，歎番 ...
平時都算係友誼先生嘅克勤，見到鏡頭，即刻皺晒眉緊合雙唇勁睥，好唔 alright喎！
同你吟一吟
李克勤變咗 Mr Cool
九月拍住容祖兒開咗 12場演唱會嘅李克勤，上個月同老婆盧淑儀去完日本二人世界，再一家大細去咗轉英國，歎番夠本。
返到香港，重新投入工作狀態。早排《壹》仔見到克勤約咗人喺中環開會傾 job，傾完就急急腳行返去置地文華攞車，沿途經過名店，望都唔望吓，發現《壹》仔「隊」住，克勤 Mr Cool上身，擺出一個勁唔 like表情。
四點幾，兩個仔放咗學啦，克勤趕返屋企睇仔，唔阻你！
搭𨋢落停車場攞車，臨走前，克勤舉起手同《壹》仔打招呼，但個樣依然 cool爆。
