2015年11月12日 星期四

冇義氣拒出席榮休 P 朱凱婷怕秋後算賬 [壹週刊 - 1340] 朱凱婷,M1,



彭公在無綫 32年, 05年炮製的《東張西望》亦因他離去而改革,跟他共事過的一班台前幕後,早前為他搞榮休 party,唯獨朱凱婷未有出席。

娛樂偵訊

冇義氣拒出席榮休 P 朱凱婷怕秋後算賬

無綫「曾勵珍時代」結束,由行政總裁助理杜之克以及綜藝科總監余詠珊正式掌管,前節目發展分部總監彭濟材被迫榮休,連一手湊大的處境劇《愛•回家》,第二輯亦傳明年 3月收檔。

非余詠珊黨人人自危,昔日被彭濟材力捧做《東張西望》主持的朱凱婷,因怕被牽連,竟拒出席「恩公」的榮休 P。

不近人情

彭濟材上月中離開無綫,一班同事日前舉行「被迫榮休」飯局,獲邀出席的都是曾經跟他合作過的台前幕後,和由他一手構思的節目《東張西望》主持;不過公司大地震,有人怕被牽連,竟然自我審查,驚青到連去食餐飯都唔敢。

「好似朱凱婷咁,佢諗都冇諗過,就即回覆話唔出席。以前彭公(濟材)好睇佢,朱凱婷自己亦知喺戲劇組冇機會,所以都好積極,又成日上彭公 office傾偈;佢有機會做財經節目主持,都係彭公幫手,之後仲做埋電台節目同出書,估唔到佢會咁不近人情。」一名無綫人說。

朱凱婷怕影響前途劃清界線,不過,亦有唔少舊屬重情,照去!

「珍姐(曾勵珍)派嘅人肯定會俾人連根拔起,佢(朱凱婷)表明效忠其實唔一定可以留低。不過佢唔嚟冇所謂,嗰晚黎芷珊同宋熙年都有去,仲要由頭坐到尾,好多主持都有同彭公影相,唔似得朱凱婷咁冇義氣。」

黎芷珊在《東張西望》任主持多年,當日亦有出席。

陳倩揚當日本答應出席 party,但因唔舒服冇出現。

口才了得的宋熙年,做主持外,間中也會接拍劇集。

改革換將

據了解,彭濟材一起身,他轄下的《東張西望》即以收視差進行改革,余詠珊黨開始登場。

「換人係無可避免!最熱門人選係陳貝兒,佢做開主持,有線時期又係珊姐嘅人,《東張西望》改革係最好機會,陳貝兒好大機會孭重飛,另外仲有李潤庭,都係佢啲有線愛將。」知情者說。

有珊姐撐,昔日愛將陳貝兒愈來愈多工作量。

剛過檔無綫的李潤庭,在有線時擔任過不少旅遊節目主持,其中一集同 Coffee一齊潛水。

無綫進入另一新時代,陳志雲(右二)跟彭濟材(左一)已離開,樂易玲跟曾勵珍亦被削權架空。

有高層撐,朱凱婷有機會拍住阿叻和汪阿姐做大 show主持。

在無綫做主持,由於曝光率高,朱凱婷又有機會做電台節目。

成敗在埋堆

娛樂圈講埋堆,閂埋門一家親的無綫更加!樂大媽時代珍姐年代相繼過去,無論有料冇料,想繼續有 job出鏡,就要新主睇你台戲,冇靠山,借歪!

伍詠薇

跟曾勵珍友好的伍詠薇,突然被投閒置散, 9月中接受有線訪問自揭真相,指有個跟她相識多年的無綫高層恃勢凌人,出言侮辱,令她自尊受損,於是提前解約離開無綫。

陳國邦

獨行俠陳國邦,雖然被指有演技,不過在無綫多年因唔肯埋堆,長期做三、四線角色,上月終於忍唔住向無綫發公開信請辭。

羅天池

《愛•回家》阿登羅天池,自稱因冇高層撐腰,在無綫十五年零機會,一直要教打拳幫補生活費。

撰文、攝影、攝錄:娛樂組

鍾意就快D Share啦!
Related Posts Plugin for WordPress, Blogger...