網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月19日 星期四

RB阿正陪未婚妻 名店揀婚戒 [壹週刊 - 1341] 阿正,M1,馮庭正

正積極籌備婚禮的阿正,上週四(十二日)孖未婚妻在中環 De Beers專門店揀婚戒。 娛樂偵訊 RB阿正陪未婚妻 名店揀婚戒 生得高大樣似任賢齊的 RubberBand隊長兼結他手阿正(馮庭正),離婚後與馬來西亞小姐冠軍尚羚( S ...


正積極籌備婚禮的阿正,上週四(十二日)孖未婚妻在中環 De Beers專門店揀婚戒。

娛樂偵訊

RB阿正陪未婚妻 名店揀婚戒

生得高大樣似任賢齊的 RubberBand隊長兼結他手阿正(馮庭正),離婚後與馬來西亞小姐冠軍尚羚( Sherine原名黃淑玲)擦出愛火,拍拖三年,今年初,阿正於瑞士海拔 3,103米的雪山上,跪低向女友求婚,掂咗!

上週四( 11月 12日),本刊發現春風滿面的阿正,陪住未婚妻在中環一間鑽飾店揀婚戒,好事近!

一拍即合

離過婚,育有一女一子的 RB隊長兼結他手阿正,父親是低調億萬富豪馮熾均,屋企好有米!一二年,他與翻唱 RB作品的馬來西亞小姐冠軍黃淑玲(現易名尚羚)一拍即合,在男友影響下, Sherine去年投 DJ Tommy旗下做「農夫」師妹,由模特兒轉戰歌手。

「雖然離咗婚,但阿正仲好照顧同前妻所生對仔女,初初同 Sherine一齊因為離婚驚人說三道四,所以佢哋拍拖都好低調,到後來感情穩定,對仔女同女友又相處到,阿正亦改變咗好多,以前佢好靜好 cool,而家多嘢講咗又識得照顧身邊朋友,仲會跟女友學瑜伽,成個人唔同晒!」阿正身邊好友透露。

店員推介簡單款婚戒,二人試上手研究,有商有量。

揀婚戒當日, Sherine右手中指戴住超過兩卡的求婚鑽戒。

三千米求婚

今年三月,二人拍拖到瑞士滑雪朝聖,阿正更於海拔三千一百多米高的 Matterhon山峰上,在瑞士國犬「聖伯納」( St. Bernard)見證下,正式向 Sherine跪地求婚!

「佢哋一直都有結婚嘅 planning,但身邊啲朋友無諗過阿正咁浪漫喺雪山求婚囉!佢話一早安排咗,喺呢個 trip度俾 Sherine一個驚喜!」

發現記者,二人前後腳離開。

生得高大又似任賢齊的阿正(前排左二),是 RubberBand隊長兼結他手。

簡單款為主

求婚成功後,二人開始積極籌備婚禮。上週四(十一月十二日)下午三點,本刊發現阿正和手上戴住求婚鑽戒的 Sherine,在中環 De Beers專門店試婚戒,在飾櫃前坐低,店員拿出不同款式的婚戒讓兩人選擇。

其間,除了試戴式樣較簡單的情侶款婚戒外,阿正又細心地幫未婚妻試戴上手,預演交換婚戒。

拍拖三年,二人經常孖住去旅行。

今年三月,阿正在瑞士海拔 3,103米雪山上,於狗狗見證下向女友跪下求婚,認真浪漫。

撰文、攝影、攝錄:娛樂組

鍾意就快D Share啦!