掃呢頁CODE去手機

2015年11月25日 星期三

至索女 Scout 最愛大露營 [FACE - 444 - 大專校園] MF,

李欣樺 Sylvia理工大學旅遊業管理 Yr.3玩開童軍,成日都去露營, Sylvia就話自己一啲公主病都冇,洗衫煮飯甚至紮營都冇問題。 U花 U草 至索女 Scout 最愛大露營 電影《戇 Scout打爆喪屍城》,三位主角靠童軍 ...


李欣樺 Sylvia

理工大學旅遊業管理 Yr.3

玩開童軍,成日都去露營, Sylvia就話自己一啲公主病都冇,洗衫煮飯甚至紮營都冇問題。

U花 U草

至索女 Scout 最愛大露營

電影《戇 Scout打爆喪屍城》,三位主角靠童軍所學嘅求生技能自製創意武器,成功對付大群喪屍瘋狂追殺。雖然劇情搞笑多,不過由小學三年級開始做童軍嘅李欣樺 Sylvia堅係周身刀,仲拎埋深資童軍獎章,要 Sylvia紮營、燒嘢食起爐,甚至去荒島生活都無難度!

Sylvia出身自童軍家庭,爸爸、媽媽、細佬都係童軍,由細到大父母就同 Sylvia講童軍有幾好玩,學到好多嘢。放假仲會成家人一齊打繩結、整吓馬騮橋,不過估唔到 Sylvia連大學揀科都受童軍影響。

「四年前嘅暑假我跟童軍去瑞典大露營,去到有來自世界各地嘅童軍,我哋互相交流文化,煮吓嘢食俾其他國籍嘅朋友,我為咗表演仲特登跟夏國璋師傅(著名舞獅教練)學打鼓。為期三星期嘅大露營令我識咗好多法國、德國嘅朋友,直到𠵱家都仲有聯絡,最開心係撞啱我生日,好多外國朋友一齊同我慶祝,仲各自用佢哋嘅語言唱生日歌我聽,真係好難忘!」

Sylvia只學咗空中瑜伽三個月,已經被 Miss讚,「可能細個有體操底子,比較易上手,第時都想兼職做空中瑜伽導師!」

Sylvia為咗喺大露營期間向其他國籍童軍宣揚香港文化,特登去學打鼓,誠意十足。

Sylvia露營之後決定要讀旅遊,雖然當時 DSE唔夠分直升上學位,但佢讀 high dip時狂溫書,「最後升到上 degree真係好開心,上年仲有機會去到間五星級大酒店做實習,見過碧咸、李敏鎬、李光洙呢啲明星,嚟緊去法國 exchange希望可以再見識多啲,同埋去探住喺法國嘅童軍朋友」

小學開始學體操,單槓、跳馬都係 Sylvia強項。

識到一班來自世界各地嘅童軍,難怪 Sylvia(紅圈)自言童軍對佢影響好大,「我 fb好多朋友都做童軍識!性格同人際關係都有正面影響!」

撰文:葉浩婷

攝影:范仲良

化妝及形象: Kika Wong

鍾意就快D Share啦!