2015年11月4日 星期三

堅持治療 大學開 talk講抑鬱 盧凱彤:見到唔存在嘅人 [FACE - 441] 盧凱彤,MF,



盧凱彤以過來人身份分享患病經歷,而谷祖琳(左)則分享患有思覺失調嘅亡弟嘅患病經歷,呼籲大家勇於面對。

真面目

堅持治療 大學開 talk講抑鬱 盧凱彤:見到唔存在嘅人

娛樂圈生存壓力大,唔少人試過患上抑鬱症,而歌手盧凱彤亦係一個典型例子!上週四( 29日),走出陰霾嘅盧凱彤以過來人身份分享患上抑鬱的苦況,試過暴食要扣喉自懲,再逼自己搏命做運動嘅惡性循環,更試過撼個頭埋牆自殺!

盧凱彤仲話曾出現幻覺同幻聽,經過醫生同藥物幫助下,最終靠住畫畫、旅行同紋身,用咗 9個月紓壓痊癒,仲呼籲大家唔好畀個病嚇親,搵到啱自己隻藥先係辦法喎!

人人關注 at17幾時合體演出,不過佢哋就話未傾細節,至於 Ellen開騷,林二汶都會去後台幫手打點,唔介意做對方嘅妹仔喎!咁就應該快啲重組 《蘋果日報》圖片

29歲歌手盧凱彤近年幕前減產,原來同患上抑鬱症有關,而康復後嘅佢亦唔介意公開分享過往患病點滴,上週四( 29日)就擔任香港大學一個有關抑鬱症的分享會,好友谷祖琳則做特別嘉賓。

狂食再扣喉

盧凱彤喺港大抑鬱症分享講座上,話自己情緒先出現問題再搞到暴飲暴食,說:「自己鍾意跑步,唔跑嗰日會鬧自己,仲會搞到自己眼濕濕!而跑嗰陣就會逼自己愈跑愈快,運動對我嚟講變成一種負擔!至於食嘢係好大挫折,因為自己會暴食!自己一次食一大樽腰果加兩包朱古餅,之後兩日都唔食嘢,因為食完咁多嘢要懲罰自己,不過跑完 10公里太肚餓緣故就會再食,好憎自己走去扣喉,嘔唔到仲會喊!」

去到港大講 talk,盧凱彤即時成為學生嘅集郵對象, Ellen仲同學生攬到實一實,一啲架子都冇㗎!

逐步復出演出嘅盧凱彤,今年首奪電影金像獎「最佳原創電影音樂」,當中性感露背裝更加搶鏡。 網上圖片

「跟 google map先識返屋企」

自言係工作狂,不過盧凱彤自爆試過逃避工作唔做嘢,心情忽高忽低仲失驚無神玩失蹤:「個人混混噩噩,好想撼個頭埋牆!試過行落街搭巴士,但又唔知會去邊,嗰陣時講緊係零晨三點,最後要 google map先識返屋企,番到屋企又會覺得好孤單!」

之後仲試過有幻覺幻聽:「試過 2次幻覺同幾次幻聽,幻覺係好恐怖一件事,簡單啲講就係見到一啲唔存在嘅人!試過同幻覺中嘅人傾偈,但傾完就唔見咗佢!之後有同醫生如實講番件事,佢話好明顯係我有幻覺,佢畀咗啲藥我食, 2個禮拜後就冇咗呢啲徵狀!」盧凱彤仲話人人對藥物吸收進度都唔同,所以要畀時間慢慢去適應,而自己都仲未斷藥㗎!

脫離抑鬱症影響,今年底,盧凱彤仲會開設個人個唱,最開心梗係一班歌迷們

自爆靠畫畫、旅行同紋身走出陰霾嘅盧凱彤,早前喺中環舉行個人畫展,陳奕迅、黃耀明、林二汶、谷祖琳等現身撐場。 網上圖片

採訪、撰文:娛樂組

攝影:林迅景

鍾意就快D Share啦!
Related Posts Plugin for WordPress, Blogger...