掃呢頁CODE去手機

2015年11月25日 星期三

Togi: 5月拍拖  Summer:她死後才有性 司馬燕夫 2年前同小三開訂情公司 [FACE - 444] 司馬燕,小三,司馬燕夫,Togi,Summer,孫君子,MF,

事件曝光後, Summer如常在微博 po新相,心情似乎全無影響。 封面 Togi: 5月拍拖  Summer:她死後才有性 司馬燕夫 2年前同小三開訂情公司 今年 1月司馬燕因胃癌病逝,臨終前邀請好友參加送別 party,又有老 ...


事件曝光後, Summer如常在微博 po新相,心情似乎全無影響。

封面

Togi: 5月拍拖  Summer:她死後才有性 司馬燕夫 2年前同小三開訂情公司

今年 1月司馬燕因胃癌病逝,臨終前邀請好友參加送別 party,又有老公吳忠義( Togi)及兩名乖仔陪伴在側,總算走得安詳。

點知唔夠 1年,即爆出 Togi原來暗撻有米北京妹孫君子( Summer),有指兩人瞞住司馬燕,秘密交往 5年。連日來 Summer不斷反擊,鬧司馬燕生前好友周美鳳放料,又指周與 Togi來往,接近司馬燕一家居心叵測!而 Togi亦發聲明,聲稱今年 5月才與 Summer拍拖,之前連女方的職業、住址都唔清楚。

死撐挽救好男人形象,不過《 FACE》發現, Togi早於 13年 11月已與 Summer一齊開公司!公司名更以兩人英名字母「 ST」為名, Togi除了「唔」忠義,仲好唔老實喎!

12年尾確診胃癌的司馬燕,與病魔抗戰兩年多後,終在今年 1月離世。患病期間,丈夫 Togi表面上對老婆不離不棄,更帶她去荷蘭補辦婚禮兼慶祝結婚 17週年。

13年中結婚

司馬燕患癌後, Togi以好丈夫姿態帶全家到荷蘭補辦婚禮兼慶祝結婚 17週年。 網上圖片

司馬燕老公 Togi被踢爆同內地女兼老婆生前好友 Summer(右)暗交。 圖片

Summer向本刊透露,同 Togi喺司馬燕死後先發生性關係。

「 ST」為名開公司

但原來 Togi早於司馬燕離世前已與老婆好友、有米北京妹 Summer有來往。事件曝光後, Togi發聲明稱與 Summer今年 5月先開始拍拖, 9月已分手,又指「本人與孫小姐並無發展過婚外情,本人亦只有她的手提號碼,連她在北京的地址、職業也不清楚。」力保好男人形象。

但《 FACE》發現,自稱連女方做邊行都唔知的 Togi,早於 13年 11月,即與司馬燕到荷蘭補辦婚禮的 4個月後,他已與 Summer一齊開公司「尚太國際貿易」,該公司的英文名是「 ST」,正正是兩人英文名「 Summer」及「 Togi」縮寫。

訂情公司

Summer同 Togi早於 13年已一齊開公司,公司名仲係兩人英文名第一個字母,好 sweet!不過精甩尾的 Summer未有分股份俾男友,只係安排佢做掛名董事。

Summer的微博中,個人簡介亦有寫上公司名字「 ST International」,似乎唔怕人知!

Togi上週發聲明,指自己只有 Summer手提電話號碼,但原來兩人早已 close到一齊開公司。

小三真名「孫天君」

尚太國際貿易的股份由 Summer全權持有,她以真名「孫天君」登記,而 Togi只是董事,並無股份。該公司主要業務是幫內地有錢人搞投資移民及投資海外房地產,今年 7月在北京舉辦活動時,邀請到唔少名人出席,陳曉東及導演唐季禮更拍 video祝賀,可見 Summer的確人脈甚廣。

在內地商界算有人識的 Summer,都要顧及形象,至今仍否認是第三者破壞人家庭,更獨家在微信及微博私信向《 FACE》坦承是在司馬燕死後才與 Togi發生性關係,愈爆愈激!

F︰你和 Togi何時開始?

S︰今年。

F︰今年幾月?誰主動?

S︰那都認識幾個月之後了。誰在乎誰主動呢。反正我倆結婚不就成了麼。

F︰你們何時發生性關係?

S︰這個不方便回答不好意思。

F︰肯定是司馬燕死後?

S︰是的。

簽名有分別

對比承諾書及公司註冊處資料, Togi的簽名的確有分別。

網上圖片

冒簽承諾書

Togi的聲明指 Summer出示的承諾書是偽造, Summer則指自己從未寫過承諾書,暗指是周美鳳搞事。

周美鳳避鋒頭

小三 Summer連日來透過傳媒爆料,開名直斥司馬燕閨中密友周美鳳係始作俑者,又指周與 Togi關係密切,自己唔介意同任何人當面對質。

本週一,《 FACE》在周美鳳於銅鑼灣的辦公室等候,不過有同事表示周美鳳不會返公司為事件回應。

其實周美鳳與商人蔡傳瑞結婚多年,育有一對子女,女兒 Florence曾在名人雜誌 Tatler做 social editor,但有傳最近已離職。周甚少向人提及老公,而蔡傳瑞旗下有多間公司,包括滬江飯店及金牛苑等食肆,本身性格非常低調,極少陪老婆出活動。多角關係錯綜複雜,真係連 Juno都拆唔掂呢單「羅生門」喇!

Togi與兩名兒子今年初親自到加拿大為亡妻搞葬禮。 《蘋果日報》圖片

吳麗珠(左一)、肥媽(左二)同周美鳳(右)在司馬燕離世前,經常陪伴左右。 網上圖片

司馬燕同周美鳳非常老友,生前經常一齊聚會見面。 網上圖片

爆出 Togi疑似同 Summer有婚外情後,司馬燕大仔吳景滔 Ian即在 ig po全家福,並指冇人可以拆散佢哋一家。 網上圖片

幾星期前, Ian化身超級英雄「綠箭俠」自拍上網,有指綠箭俠父親有不可告人的秘密,唔知 Ian係咪同樣知道自己父親同 Summer嘅秘密呢? 網上圖片

老友點睇?

司馬燕離開唔夠 1年,就驚爆 Togi疑似有內地小三!司馬燕生前一班好友,究竟點睇 Togi?

網上圖片

吳麗珠:

我好朋友已經唔喺度,其他事我唔會再理!中秋節飯局時見過 Togi,佢坐我隔籬,當時都係閒話家常。

《蘋果日報》圖片

Babe Tree:

Togi個聲明真定假都好,起碼佢肯做呢樣嘢,仲好 apologetic(有歉意),𠵱家最緊要係尊重兩個小朋友,俾番啲空間佢哋

《蘋果日報》圖片

鐘慧冰:

我好震驚,聽講 Summer成日登堂入室,佢(司馬燕)病係會有一定影響。

進擊的小三

圖片

大個女人,大個女人會話進擊的小三恐怖過進擊的巨人多多聲。其實偷跳時就算能夠得到短暫快樂,不過進擊的小三反轉豬肚時,相信連人夫都悔不當初。

網上圖片

楊子晴

台灣歌王陶喆五月爆出婚外情,本來賴皮唔肯認,搞到四川妹小三楊子晴連環晒情慾私信反擊,驚爆原來楊子晴未夠 17歲已經搭上年長 22歲陶叔叔,持續六年友誼波切搓關係直至陶喆婚後都未完。

網上圖片

劉依靜

人渣恒最近為咗宣傳新歌攬緊新歡,不過搞到周永恒四口之家散埋始終都係分手三個月嘅舊愛 Ruby(劉依靜)功勞。表面上係公司助手工作拍檔兼家庭朋友,日日登堂入室出席家庭聚會,實情目標係人夫,手法似足孫君子㗎。

圖片

戴夢夢

49歲太極鼓手 Ricky短短四個月為 30歲戴夢夢拋棄結婚 27年糟糠,點解誘惑大到咁?因為戴夢夢為出錢幫 Ricky租大屋、為同 Ricky爆房、共享擒啜掃髀情慾晚餐,郁啲仲喺大街大巷除淨條底褲,你話點頂?

圖片

章小蕙

章小蕙 97年同鍾鎮濤離婚,不過離婚前一年已經介入富商陳曜旻婚姻,被白頭陳元配 Susanna數臭。有個大好家庭、仲有個身患癌症嘅妻子,陳曜旻一樣頭也不會,最經典仲係幫埋章小蕙挽鞋:「佢肯睬我,我仲出聲?」

採訪、撰文、攝影:娛樂組

鍾意就快D Share啦!