【瘋傳與老外性愛片】ViVi Tam否認係主角：屋企人都有睇過 :),

其他影片：>>

最近網上瘋傳一段長約半分鐘嘅性愛片，兩名主角分別是一名疑似港女及老外，而另一張相就係兩人合照，眼利網民話認得男方同戴十字架頸鏈。有傳該名少女，就係同網絡紅人達哥（林慧韡）一齊拍Expedia廣告嘅女仔——譚嘉儀(ViVi)，同樣眼大大、鼻高、擁有櫻桃嘴。

其實本來大家都唔知呢條片，有啲人係靠fb一啲page share出嚟，亦有啲人係因為睇咗ViVi個fb同ig呢段澄清文字，先至知有件咁嘅事。ViVi寫道:「一直對任何事都唔鍾意澄清，1.無必要 2.唔想再製造多一個話題。如果係因為條片而follow我，咁你要失望了，有人會覺得係一個宣傳人氣技倆，但我覺得個女仔好慘，希望盡快可以停止瘋傳。」

今日《蘋果》聯絡ViVi，佢喺電話呼冤話片中女主角唔係自己：「梗係唔係啦，邊度似我？其實前日已經有好多朋友WhatsApp話我知，怕真係我，仲叫我唔好睇條片，話驚我唔開心，但女主角真係唔係我呀。」

問ViVi覺唔覺同片中少女有啲似？佢好無奈咁話：「因為啲人唔識我先覺得似。」達哥有冇關心問候吓？佢話：「咁尷尬唔會講啦。其實屋企人都有睇過，佢哋肯定唔係我，所以唔擔心。」咁有冇人要求過影呢類片呢？ViVi話﹕「唔會，呢樣嘢會尊重番。」

	有網民指ViVi同性愛片段中女主角好唔同，包括眉形，又指片中女角左下巴有痣，但ViVi冇。 (ViVi ig圖片)	ViVi同達哥拍Expedia廣告，火速彈起。
ViVi噚日突然於社交網澄清自己唔係性愛片女主角，因而令更多網民知道呢單嘢。

鍾意就快D Share啦！

下一篇 》