Winkie格鬥騷嚟真KO「煩女生」

組合HotCha前成員黎美言（Winkie）單飛後，近日接下ViuTV的格鬥騷。積極練武的她日前卻於網上大發牢騷，自稱參加節目不是來交朋友，又暗示遭「煩女生」杯葛。不過，據知她為求贏比賽，練習時「全力以赴」打傷對手！日前，「晶女郎」唐紫睿、劉燕妮（Rika）和鄧穎芝則負傷睇跌打。

參加得都預咗會受傷，比人弱就係弱，冇得話控訴，如果吓吓就住打就唔好睇。

歌手黎美言（Winkie）早前加盟諸葛紫岐（Marie）新公司「星韜國際娛樂文化」後，最近終於接下ViuTV的MMA真人騷《G1格鬥會》，與「晶女郎」唐紫睿（Hazel）、鄧穎芝（Vangie）、龍小菌、2013年退選港姐「嫩版徐若瑄」劉燕妮（Rika）、鄧洢玲（阿旦）、郭思琳及王蘊妮，八位索女簽定生死狀於擂台上肉搏。經過多月地獄式特訓後，八女早前秘密進行首輪比賽，又於網上晒「戰績」。據知，首場跟Winkie對打的鄧穎芝，比賽期間更打至面頰流血；而郭思琳亦被打至嘴唇腫漲！

搵教練秘密「教路」

日前，手腳打到瘀晒的Vangie、Hazel和Rika，現身深水埗跌打館輪街症。Hazel與Rika被醫師按及傷口時，均痛得乸口乸面，坐在外面的街坊都聽到兩人尖叫！隨後，三人又到附近茶餐廳醫肚、吹水，期間Rika更疑似壓力爆煲喪喊，Hazel與Vangie即攬攬安慰，並互相「過招」研究抗敵策略！

放大圖片	鄧穎芝比賽期間被打至面頰流血。	Hazel一雙美腿慘被打至滿腳瘀傷。

正所謂「女人多自然是非多」，8個女仔本以為「同甘共苦」一齊練拳切磋，豈料好勝的Winkie突然玩認真，訓練時「真打」，惹來眾人不滿、群起杯葛！據知，日前拍攝訓練花絮時，7女逐一上台跟Winkie對打。打開泰拳的Winkie卻出盡全力，令阿旦被打至面腫、嘴黑兼爆喊，而「正義使者」Hazel見狀亦上台還擊，結果激起Winkie心中怒火，教練喊停後，她仍不忿撳住Hazel後腦狂舂！事後，有工作人員爆料，指當日Winkie自稱請朋友來為其打氣，事實上有人為贏比賽，暗中請私人教練混入其中，方便觀察對手的弱點作部署。

郭思琳上載「戰績」嘴唇慘被打至紅腫。	郭思琳	我同Winkie一啲都唔熟，不過節目就拍低咗所有女仔好同唔好嘅一面，等觀眾去判斷。（發生咗不愉快事件？）就算係都等當事人企出嚟講啦，我個人就唔會同佢做朋友囉。大家都負傷出賽，睇吓邊個捱到最後。

設醫生輔導是非

未知是否不忿被七女杯葛，Winkie近日又於社交網暗寸留言：「今次只求為突破自己，戰勝自己！其他不關於打拳的問題，那些女生的煩問題，我根本全無感覺。」參加這比賽非為交朋友：「甚麼也入不了耳朵，做到的是大方得體與尊重！」此舉最終引來劇組不滿，要求眾人「封嘴」嚴禁搞是非。

Winkie揪唔揪得出街就知，不過練習時真係唔使出盡全力，佢打到阿旦（鄧洢玲）個嘴，又同唐紫睿口角。我哋8個女仔中係有人好討厭佢，佢成日上網暗寸其他人，得罪咗人又唔知。	佢唔識控制自己，出盡力咁打人，但其他女仔就個個都就住佢喎。大家係咪嬲佢我唔清楚，不過嚟嚟去去都見佢自己一個，唔會黐埋其他人度，佢都話明唔係嚟交朋友啦。	佢可能唔係好識收力，對住導師都好肉緊，打得好狼。有次練習佢出盡力，當時大家好新又冇用牙膠，真係畀佢打到，痛起上嚟我都喊咗。

對於Winkie動真火打傷其他對手，nowTV高層金廣城昨日以電話回應：「以我所知個個都好用心打，可能心裏有團火，但我哋節目都有軍醫同心理醫生，即使是非都有心理醫生輔導。（Winkie打傷人？）相信佢係投入為節目啫，我會再了解吓。」Winkie則透過經理人否認動真火：「就算有，參加得都知會受傷，如果吓吓就住打就唔好睇。」經理人強調Winkie當日都有受傷，更坦言Winkie不喜歡埋堆才被人針對。

Hazel被醫師按及傷口時，痛得乸口乸面。	Rika於跌打館睇症時，難忍痛楚，一度落淚。	三女其後到茶餐廳醫肚，Rika更疑似壓力爆煲喪喊，要由Hazel與Vangie攬攬安慰。

Profile

姓名：黎美言（Winkie）

年齡：28歲

簡介：組合HotCha前成員，2014年拆夥後簽約成為諸葛紫岐娛樂公司旗下藝人。

姓名：唐紫睿（Hazel）

年齡：28歲

簡介：新一代「晶女郎」，因在電影《鴨王》中有大膽情慾戲而成功彈出。

姓名：鄧穎芝（Vangie）

年齡：30歲

簡介：2003年參加無綫舉辦的全球華人新秀歌唱大賽進入八強，而加入樂壇。

姓名：劉燕妮（Rika）

年齡：25歲

簡介：有「嫩版徐若瑄」之稱，於2013年港姐競選中途退選，最近以電影新人重返娛圈。

姓名：鄧洢玲（阿旦）

年齡：30歲

簡介：有「E CUP教主」之稱的阿旦曾與無綫主持黎國輝（阿感）拍拖。

文：影視組

鍾意就快D Share啦！

下一篇 》