掃呢頁CODE去手機

2015年12月17日 星期四

胡杏兒 1228嫁 豹嫂胡蓓蔚搵定飲衫 [壹週刊 - 1345] __,杏兒,胡蓓蔚,豹嫂,胡杏兒,M1,

試鞋郁來郁去,原本著住毛袖外套嘅豹嫂除衫摺高褲腳照清楚。同你吟一吟胡杏兒1228嫁 豹嫂胡蓓蔚搵定飲衫今個月二十八號同男友Philip李乘德結婚嘅胡杏兒,呢排要為婚禮作最後準備,包括派帖,一班陪嫁嘅「胡說八道」姊妹,除咗幫頭幫尾,仲要抽時間搵定飲衫。有日《壹》仔喺ifc見到著到貴婦咁嘅豹嫂胡蓓蔚,喺LaneCrawford睇鞋,目標係價錢同款式都可以好誇嘅意大利品牌GinseppieZanotti ...


試鞋郁來郁去,原本著住毛袖外套嘅豹嫂除衫摺高褲腳照清楚。

同你吟一吟

胡杏兒 1228嫁 豹嫂胡蓓蔚搵定飲衫

今個月二十八號同男友 Philip李乘德結婚嘅胡杏兒,呢排要為婚禮作最後準備,包括派帖,一班陪嫁嘅「胡說八道」姊妹,除咗幫頭幫尾,仲要抽時間搵定飲衫。

有日《壹》仔喺 ifc見到著到貴婦咁嘅豹嫂胡蓓蔚,喺 Lane Crawford睇鞋,目標係價錢同款式都可以好誇嘅意大利品牌 Ginseppie Zanotti Design,試咗對六吋高嘅 platform sandals上腳,左照右照,之後索性剝埋件毛袖外套,再摺高兩隻褲腳,睇清睇楚。

一試滿意,成交!因為設計比較簡單,亦冇釘冇水晶石,七千有找。買到心頭好,豹嫂跟住上多層,搵埋件飲衫,一氣呵成。

事不宜遲,上樓上睇衫,對鞋唔攞住!

拍板買!簽完咭,試耳環,擸起長髮睇吓, OK喎!不過未買衫,唔知襯唔襯。

著慣高踭鞋嘅豹嫂,踩住六吋踭𠌥低整鞋釦,依然穩如泰山。

同姓三分親,一班「胡說八道」好姊妹中,胡杏兒、胡蓓蔚、胡定欣特別好感情。

撰文:八珍


鍾意就快D Share啦!