熱爆娛樂: 越級奪視后　一線花旦藐爆胡定欣 [壹週刊

2015年12月17日星期四

越級奪視后　一線花旦藐爆胡定欣 [壹週刊 - 1345] __,定欣,胡定欣,M1,

TVB鬧花旦荒，明醒明年約滿的胡定欣跳呢做視后，氹她續約留低。

探熱針

越級奪視后　一線花旦藐爆胡定欣

無綫一線花旦所剩無幾，胡定欣時來運到，遇上收視、口碑都 OK的《鬼同你 OT》，加上今年《萬千星輝頒獎典禮》中，有望「叫胡」的對手得她明年滿約，造就胡定欣打破一線花旦專利，越級奪視后。

結果惹來真正一線群起不滿，賽前大熱的汪阿姐嬲到上面，老公羅家英更罕有在微博炮轟無綫；一姐楊怡亦唔俾面，講到明暫時無意同出爐視后合作，至於俾長約綁死冇 say的鍾嘉欣，私下亦同「處女黨」好姊妹勁呻，慘到裂！

星光暗淡

無綫《萬千星輝頒獎典禮 2015》星光暗淡的情況下，仍然維持到平均 29點（最高 35點）收視（去年收視平均 31點），視帝賽果（黃秋生《梟雄》）貼近民意，視后（胡定欣《鬼同你 OT》）則半爆冷。

其實今屆有力爭視后的人選好有限，得汪阿姐的《華麗轉身》、《鬼同你 OT》的田蕊妮和胡定欣，以及《梟雄》的胡杏兒、蘇玉華和陳煒，其中田蕊妮兩年前已憑《巨輪》成為雙料視后，胡定欣又未夠班，至於《梟雄》三位女主角都不是親生女，機會渺茫，所以賽前阿姐已經被睇高一線。

頒獎禮過後，家英哥護妻在微博鬧爆 TVB，並暗示因梁家樹已離巢，其派系的藝人冇運行。

只得「最佳節目主持獎」的汪阿姐，全晚悶悶不樂。

汪阿姐大熱倒灶，仍識做攬住出爐視后送上祝福。

羅家英鬧爆

是夜阿姐豪花四萬置裝，又找來珠寶商贊助八百萬鑽飾作準備，無奈大台睇死阿姐對公司忠心，撞啱胡定欣明年滿約，以獎換約大好籌碼，即使胡定欣只是二線頭一線尾，未成氣候，照俾！

「俾阿姐太正常，唔會刺激收視，俾胡定欣有 noise，最重要係啲一線花旦走清咁滯，佢出年又滿約，俾獎佢隨時簽多五、七年。」一名無綫人說。

盛裝阿姐坐足成晚，得個「最佳節目主持獎」，宣布胡定欣做視后一刻，慣見風浪的她掩飾不了失望，當晚粉絲在無綫門外列陣，當阿姐離開時，高聲大叫：「你是最佳女主角！」老婆跌咗個獎，平日低調的羅家英，亦在微博向無綫開火，鬧爆大台只管捧新人，叫老婆「以後不再參與比賽。」

鏡頭前對拍檔獲獎表現開心的田蕊妮，冇去胡定欣慶功，只得好友豹哥單立文、李施嬅、胡杏兒、姚子羚同黃智雯出席，人丁單薄。

10年胡定欣搏到盡 deep V出席頒獎禮，惹來當時已是花旦的楊怡不滿，公然藐爆。

激罕性感出席頒獎禮的鍾嘉欣，對於被胡定欣爬頭攞視后，敢怒不敢言。

楊怡落晒閘

阿姐有老公代出頭，其餘一眾花旦，則以行動表達不滿。高興同劇拍檔獲獎交足戲的田蕊妮，未有俾面現身胡定欣在佐敦舉行的慶功宴，出席的只得「胡說八道」會的成員胡杏兒、李施嬅同豹哥單立文等。至於同出爐視后一直唔妥的楊怡，賽後即時向公司傳話，表明「唔想同佢喺工作上有來往。」

至於坐正做女一多年的鍾嘉欣，被胡定欣「遲來先上岸」亦有怨言，但經歷為放假返加拿大推劇，換來收警告信後，嘉欣 BB只敢私下同「處女黨」吐苦水。

「 Linda（鍾嘉欣）之前續咗八年長約，公司班高層又唔係特別鍾意佢，除非拍到套攞硬獎嘅劇集，否則唔會考慮佢！」無綫人說。

胡定欣攞獎失人心，福禍未知。