掃呢頁CODE去手機

2015年12月24日 星期四

上床唔想傷害新女周芷儀 周永恒:我自己知自己事! [壹週刊 - 1346] 周永恒,M1,周芷儀

娛樂偵訊上床唔想傷害新女周芷儀 周永恒:我自己知自己事!去年被爆跟劉依靜(Ruby)搞婚外情、涉打老婆趙頌茹(Yu)的周永恒,親手將家庭摧毀後,自稱「人渣」的他形象低處未算低,惟有「著草」,到深圳在胞弟開設的瑜伽中心教瑜伽,過冷河!靜極思動,周永恒最近與RapperK-CHEK(曲赤)合作新歌《唔諗你》,憑歌寄意,自嘲一番!但提到同MV女角周芷儀撻着,他大為緊張:我唔想害人!焗住退股小三Ruby與 ...


娛樂偵訊

上床唔想傷害新女周芷儀 周永恒:我自己知自己事!

去年被爆跟劉依靜( Ruby)搞婚外情、涉打老婆趙頌茹( Yu)的周永恒,親手將家庭摧毀後,自稱「人渣」的他形象低處未算低,惟有「著草」,到深圳在胞弟開設的瑜伽中心教瑜伽,過冷河!靜極思動,周永恒最近與 Rapper K-CHEK(曲赤)合作新歌《唔諗你》,憑歌寄意,自嘲一番!但提到同 MV女角周芷儀撻着,他大為緊張:我唔想害人!

焗住退股

小三 Ruby與周永恒( Roy)分手後,悔不當初,亦聲言不再做第三者。

至於搞到身邊女人爭相雞飛狗走的周永恒,亦計劃鋪路復出,早前他在 facebook上載與𡃁模周芷儀( Abbie)親密合照,隨即爆出新戀情; Abbie正是周永恒新歌《唔諗你》 MV女主角,當中二人不乏床上親熱場面。

「同阿 Yu離婚後, Roy一心諗住同 Ruby離開香港一段時間,又考晒導師牌返內地教瑜伽,點知去到深圳都俾傳媒影到,後來 Ruby又決定分手,佢唔想因為自己,影響到細佬同啲生意,先決定退股返香港。

「 Roy自己都明白,短期內佢無論做啲乜,都未必會有人接受,好在當年因為叔父周啟生關係,咁多年喺做音樂方面都識落唔少人,所以而家都有啲幕後 job做吓,賺吓錢;今次佢出新歌係為興趣,都冇理過其他人會點諗!」周永恒身邊人說。

周永恒與周芷儀在 MV中,不乏床戲及身體接觸。

周永恒聲稱是透過曲赤認識周芷儀,對方亦只是新歌《唔諗你》的 MV女主角,並無其他。

唔想害人

周永恒和曲赤合作的新歌,內容包含了過去一年,離婚、分手經歷, MV鏡頭亦有齊甜酸苦辣。

對於此舉是否鋪路復出,周永恒在電話回應說:「隻歌係曲赤搵我合作嘅!我諗住玩吓,玩音樂係為興趣多過搵食,所以同鋪路復出冇關,我自己知自己事!(跟住有冇新計劃?)做緊首福音歌,另外傾緊嘅 project都係喺馬來西亞同內地!」

被指和 MV女主角周芷儀撻着,周永恒煞有介事,聲稱唔想害人!「 Abbie都係曲赤搵嘅,佢哋兩個已經識咗好耐,大家當娛樂新聞(戀情)睇就算,唔想因為自己,傷害一個十九歲嘅女仔!(同阿 Yu、 Ruby仲有冇聯絡?)呢啲唔講喇!」周永恒說。

Roy曾接受 now節目訪問,並公開讀悔過書,求老婆原諒。

原本有個肚腩的周永恒積極操 fit身形,並考取瑜伽教練牌。

同 Yu分開後,周永恒都未有機會見兩個女。

本月初,周永恒曾孖住好兄弟梁奕藍出席活動。

去年周永恒背住老婆趙頌茹偷食 Ruby,加上涉家暴招至婚變。

撰文、攝影、攝錄:娛樂組


鍾意就快D Share啦!