掃呢頁CODE去手機

2015年12月30日 星期三

反擊傲芝】何父袋3球 傲兒陪大少遊日 __,傲兒,何傲兒,

聖誕至今,周子揚與何氏姊妹傲兒、傲芝隔空開火,女方出聲明,男方就企硬話對方苛索,你有你拗,「大少」林建名就傳召傲兒去日本陪玩。呢段三角關係嘅起因,其實係因為傲兒爸爸何世根破產,由坐擁14個物業變到一無所有,由做馬主,變到陪人入馬場。自此,何爸爸就成日帶住傲兒入馬場陪大少,希望個女黐到金糠,自己亦可東山再起。去年,佢氹掂咗大少,同佢夾份搞時裝生意,點知個女就爆出「兒子戀」,仲要不斷被俾影到幽會,激到 ...






其他影片:>>






聖誕至今,周子揚與何氏姊妹傲兒、傲芝隔空開火,女方出聲明,男方就企硬話對方苛索,你有你拗,「大少」林建名就傳召傲兒去日本陪玩。

呢段三角關係嘅起因,其實係因為傲兒爸爸何世根破產,由坐擁14個物業變到一無所有,由做馬主,變到陪人入馬場。自此,何爸爸就成日帶住傲兒入馬場陪大少,希望個女黐到金糠,自己亦可東山再起。去年,佢氹掂咗大少,同佢夾份搞時裝生意,點知個女就爆出「兒子戀」,仲要不斷被俾影到幽會,激到林爸爸次次都鬧爆傲兒,問個女有乜嘢可以幫到屋企。

去到今年4月,傲兒約滿大台,何爸爸打算將個女簽俾大少,更三度帶傲兒去同大少面談傾條件。結果,一粒4卡鑽石同埋3百萬就袋袋平安咁……跌咗入林爸爸個衫袋。而9月嗰陣,傲兒同周子揚被警方「照田雞」,何爸爸大發雷霆,二人終於分手。

傲兒已經係大少嘅人,今個聖誕想約朋友癲番晚都唔得因為佢要陪大少一家去東京玩,星期一飛,除夕晚先會返港。同行嘅仲有大少細女Veronica,就咁睇,傲兒個樣仲細過人哋呀!

鍾意就快D Share啦!