網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月10日 星期四

57歲股神王弼燮 睇中吳若希師妹 [壹週刊 - 1344] __,吳若希,股神,M1,

岑日珈當日與男友兼老闆的王弼燮去酒店hightea,一份漢堡包兩份食,男的還細心為女友切好一小份,令岑日珈甜到漏。娛樂偵訊57歲股神王弼燮 睇中吳若希師妹近年緋聞纏身的Jinny吳若希,除有吳業坤、黃子恒等觀音兵,年初傳出搭上地產界富豪「十哥」林棣權,以及陳淑蘭舊愛、有股神稱號的王弼燮(Jason)。但原來王弼燮並非睇中吳若希,真命天女是同樣sell長腿、年紀再細一截的吳若希師妹岑日珈。為氹細自己 ...


岑日珈當日與男友兼老闆的王弼燮去酒店 high tea,一份漢堡包兩份食,男的還細心為女友切好一小份,令岑日珈甜到漏。

娛樂偵訊

57歲股神王弼燮 睇中吳若希師妹

近年緋聞纏身的 Jinny吳若希,除有吳業坤、黃子恒等觀音兵,年初傳出搭上地產界富豪「十哥」林棣權,以及陳淑蘭舊愛、有股神稱號的王弼燮( Jason)。但原來王弼燮並非睇中吳若希,真命天女是同樣 sell長腿、年紀再細一截的吳若希師妹岑日珈。為氹細自己三十六年的小女友,王弼燮更豪擲五百萬開戲力捧岑日珈。

富貴小師妹

有師姐吳若希幫手硬食緋聞,今年只有二十一歲的岑日珈( Angie),據知半年前搭上王弼燮後,獲有米男友撐腰,出入除有七人車接載,更搬到月租四萬的何文田半山壹號豪宅,搖身一變成為富貴歌手。視女友事業為己任,王弼燮早前豪掟五百萬,開戲俾女友進軍大銀幕。

日前,本刊發現出席完記者會的岑日珈,會合男友在洲際酒店飲下午茶,同枱還有電影監製田雞以及經理人 Simon,當日岑日珈不避嫌同王弼燮排排坐,更一份漢堡包兩份食,經常相望甜笑,忘年戀 sweet到爆。傾足一粒鐘,岑日珈未有跟男友離開,反而黐住經理人坐七人車返屋企。

鍾情圈中長腿美女的富商王弼燮, 90年代是陳淑蘭的男友,當時他的名字叫王正中。

前言不對後語

週日(十二月六日)中午,岑日珈在銅鑼灣為男友有份投資的電影《 PG戀愛指引》開工,原本在七人車呆等埋位的她,索性走入附近的 HMV打書釘,離開時被記者問到跟王弼燮拍拖,並與男友飲下午茶,她驚到前言不對後語。

「嗰日好似唔係得我同佢,仲有經理人同田雞,我哋約出嚟傾嘢。(見到你哋一份餐兩份食?)有咩?冇……我哋叫咗 tea set,可能佢分俾我,總之唔係兩份食。(佢開咗部電影捧你?)我唔清楚,公司話有個股東加入開新電影,咁我就唔 confirm係咪 Jason(王弼燮),嗰日有傾囉!你問番經理人。(即係佢係老闆之一?)都見過嘅。」

岑日珈男友揸跑車出入,她入住的何文田半山壹號也是這位男友的安排。

鍾情成熟男

至於同王弼燮是否情侶關係,岑日珈續說:「嗰日食完嘢,佢咁啱送我返屋企。(佢追緊你?)唔知,應該佢覺得我幾小朋友、幾得意同埋幾乖。佢成日約埋 Simon(經理人)約我出嚟!(成日約你?)又唔係成日,間中,我而家都忙緊拍戲,唔係成日出去食嘢。(佢有冇機會?)點講呢?冇諗過拍拖,上年先出道,專注自己事業,拍拖隨緣啦,有感覺就去囉。(接受到年紀大嘅男友?)自己鍾意成熟啲嘅男人,因為成熟男人經歷多,可以教我做人道理,年紀大唔係問題。(即係佢有機會?)但而家佢係公司老闆,我哋係上司下屬關係。」

有米男友打本開拍電影《 PG戀愛指引》,捧岑日珈擔正,其餘演員有陳婉衡、羅彩玲。

男友呵護,故拍攝當日,有四、五個人包圍服侍。

回應緋聞,岑日珈顯得手足無措。

嫩版趙薇

擁有 40吋長腿的岑日珈,有「嫩版趙薇」的外號, 12年遇上 Simon(吳若希前經理人),經試音後加入 musicNEXT做 KellyJackie的師妹,惜苦無出碟機會。直到 14年,經理人 Simon自設唱片公司 Viva Music,岑日珈與 musicNext解約過檔,處女作《小動作》面世,成為 14年樂壇女新人。

撰文、攝影、攝錄:娛樂組


鍾意就快D Share啦!