網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月23日 星期三

不婚主義  570萬買舊樓 大陸拍劇走數  52歲黃德斌:有排供呀! [FACE - 448] __,大陸,黃德斌,中國,MF,

唔結婚唔生B黃德斌與圈外女友Joyce拍拖15年,雖一直未有結婚打算,不過二人感情有增冇減!真面目不婚主義 570萬買舊樓 大陸拍劇走數 52歲黃德斌:有排供呀!香港地上車難,如果到50歲人先買樓就更加供得吃力。52歲黃德斌雖然打滾電視圈多年,不過產量屬有限公司,近年每年都唔超過5部。一直租屋住的他,14年終賺夠首期,的起心肝用570萬買咗層50年何文田樓上車。一心北上賺人仔的德斌,去年獲老死監製 ...


唔結婚唔生 B

黃德斌與圈外女友 Joyce拍拖 15年,雖一直未有結婚打算,不過二人感情有增冇減!

真面目

不婚主義  570萬買舊樓 大陸拍劇走數  52歲黃德斌:有排供呀!

香港地上車難,如果到 50歲人先買樓就更加供得吃力。

52歲黃德斌雖然打滾電視圈多年,不過產量屬有限公司,近年每年都唔超過 5部。一直租屋住的他, 14年終賺夠首期,的起心肝用 570萬買咗層 50年何文田樓上車。

一心北上賺人仔的德斌,去年獲老死監製戚其義帶隊上橫店拍劇,點知其後戚其義被換走,德斌被刪減戲份,連尾期片酬都未收到。週一( 21日)黃德斌邊嘆氣邊說:「唉,有排供呀!」

去年黃德斌以 578萬買入何文田一單位,雖然唔係咩豪宅兼樓齡達 50年,不過叫做何文田區,日後生 B都叫名校網

入行就快 30年的黃德斌,多年來好演技但大台唔多欣賞,近年大台小生走淨無幾, 52歲黃德斌終於在《刀下留人》做到男一滋味。

「你估我好多錢?」

黃德斌與圈外女友黃美恩( Joyce)拍拖 15年,每次問到幾時結婚,德斌都以「未儲夠錢」做擋箭牌,他曾經在訪問中講過,「既然唔係富裕,點解仲要組織一個樣樣都掹掹緊嘅家庭呢?」但原來德斌口裏說不,卻已於去年以 578萬買入何文田一個 5百多呎的細單位,明顯為組織家庭做好準備。

週一( 21日)德斌接受本刊訪問時笑住話:「點解你哋係要迫我結婚?繼續努力啦,未有計劃!(層樓使唔使供?)咁梗係要啦,你估我好多錢呀,仲有排(供)呀!」

冇乜客

黃德斌早年打本俾女友 Joyce喺尖沙咀開時裝店,可惜近年生意不景:「𠵱家呢個市道好得去邊,全部嗌救命!」而週日本刊去現場睇過,發現顧客不多,而老闆娘亦冇在店內睇鋪。

唔使開工,黃德斌通常落女友鋪頭陪開工,始終自己生意,係會睇得緊啲嘅。

《愛.回家》馬家回歸,可惜黃德斌角色未獲邀返去,又少一單收入。(網上圖片)

「收唔到錢」

過跟車、倉務、售貨員,黃德斌最終選擇留在娛樂圈。雖然多年來都未上到一線,不過德斌未有放棄,去年成功在《當鐵馬遇上戰車》再嘗男一滋味,「我咁多年從來冇推過角色,嗰啲揀劇拍嘅人,係佢哋有錢、有地位可以選擇。我最想工作越多越好,不過呢啲係公司嘅選擇,唔係我嘅選擇。」為搵錢,黃德斌 13年接拍大陸劇《風雲天地》。

賺人仔點都好過屈死在大台等開飯,年中老死監製戚其義邀請德斌接其監製的大陸劇《傳奇大亨》。劇集上月開鏡,可惜一個月未到,戚其義被指拍得慢而遭換走,而黃德斌的戲份亦被大減,「我只有講我收唔到錢!」睇嚟大隻斌要勤力啲開工先掂呀!

阿戚被辭

戚其義離開大台後,月前搵埋愛將黃德斌上橫店開新劇《傳奇大亨》,可惜其後戚其義因拍得太慢慘遭換人,而黃德斌更大呻連錢都收唔到。(網上圖片)

榮升兩套劇做男一,即將與郭晉安合作嘅新劇《致命復活》,就要讓位做男二,鬼叫拍住視帝咩!(網上圖片)

加入大台 27年,播放中嘅《刀下留人》先至係黃德斌第一套做男一嘅劇集。(電視畫面)

合久照婚

邊個話合久必分?娛圈都有好多唔同例子都係合久結婚㗎!好似影帝朝偉、 Sammi,仲有古巨基,個個都拍足 20年先結婚,所以德斌同 Joyce?唔使急嘅!

拍足 20年

梁朝偉和劉嘉玲自 88年開始拍拖,當年曾傳出劉嘉玲在曾華倩手中硬搶偉仔,又不時傳出偉仔其實與張曼玉相逢恨晚,不過二人終在 08年於最快樂國家不丹結成夫婦,拍拖 20年先結婚!

糾纏 24年

91年已經開始拍拖的鄭秀文和許志安, 04年宣布分手,期間許志安曾與助手細佬和圈外女友 Michelle拍拖,不過 11年二人被傳媒撞破約會,二人即大方承認復合。多年來不時傳出二人結婚消息,至今 7月與許愿的飯局上說,「你可以叫我許太了」,証實二人終結成夫婦。

拖夠 20年

古巨基由出道至今,只得一個緋聞女友,「得力助手」 Lorraine,頭 10年古巨基例牌否認,不過到近年,古巨基開始漏口風承認女友地位,至 14年 7月 15日,古巨基在微博宣布婚訊,上月 11日在四季酒店補擺喜酒。

採訪、撰文:娛樂組

攝影:林迅景


鍾意就快D Share啦!


Related Posts Plugin for WordPress, Blogger...