網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月3日 星期四

遺失手機頭都大 裝 apps防盜自保法 [壹週刊 - 1343 - 生活] __,手機,手機平板,M1,

壹科林遺失手機頭都大 裝apps防盜自保法用得手機,最怕手機無電?Hang機?定無app玩?其實最驚,應該就是遺失手機,連金管局都賣廣告呼籲市民小心遺失手機,就知幾常見!好彩現時智能手機盛行,好似iOS就有「FindMyiPhone」app,雖然未必百分百搵得番,但可以作為多重保障。至於Android方面,其實都推出不少防盜apps,可惜功能零零碎碎,講到最齊全,首選LEOPrivacyGuard ...


壹科林

遺失手機頭都大 裝 apps防盜自保法

用得手機,最怕手機無電? Hang機?定無 app玩?其實最驚,應該就是遺失手機,連金管局都賣廣告呼籲市民小心遺失手機,就知幾常見!好彩現時智能手機盛行,好似 iOS就有「 Find My iPhone」 app,雖然未必百分百搵得番,但可以作為多重保障。

至於 Android方面,其實都推出不少防盜 apps,可惜功能零零碎碎,講到最齊全,首選 LEO Privacy Guard,可遙控消除手機資料、追蹤手機位置,甚至可以遙控手機自動發出聲響,只要偷機者在附近,就一定搵得到。

防盜功能最齊

俾人偷手機,就算無辦法搵得番,亦都不想個人資料任人睇。而 LEO Privacy Guard最大優點,除可以做到手機防盜之外,亦可加密手機相片或影片。如果身邊有人鍾意偷睇別人私隱,仲可以自動用前相機影相,無得抵賴。另外,可以幫手監察所使用的 Wi-Fi安全性夠不夠高,功能好齊,想知點用?下面逐步教你。

LEO Privacy Guard

支援系統: Android

售價:免費

啟動防盜

Step 1

啟動 LEO Privacy Guard後,第一件事就要輸入密碼,主要鎖定 LEO Privacy Guard或其他需要鎖定的資料夾之用。用家可使用慣常的圖形鎖,或按下方轉用數字鎖。

Step 2

然後 app會要求再輸入另一組的數字密碼,以防忘記常用密碼時使用。

Step 3

進入 app的主畫面,主要有四大功能,其中「手機防盜」在畫面的左下角,按入即可進行防盜設定。

Step 4

由於 LEO Privacy Guard的遙控方式,是以指定手機發放短訊控制,所以首先要在「添加親友號碼」輸入一個可發送短訊的手機號碼,而且對方必須值得信任。

Step 5

選擇所需的防盜功能,其中「鎖定所有應用」、「響警報音」及「一鍵防盜」都要啟用,之後便可按「下一步」。

Step 6

完成設定防盜功能後,便可回到 app的主頁面,再選右下方的「入侵者防護」。選擇開啟之後,所有不知道密碼的「好朋友」,都會被拍照留念。

Step 7

在畫面中間有一個「更改」選項,可以設定輸入密碼錯誤多少次,才進行拍攝,而預設值為 3次,最多可設定為 5次。

實際操作

用指定手機發「警報」短訊後,被偷盜手機不會顯示收到短訊之餘,按任何掣都不能停止「警報」,至少可嚇偷機賊一跳。

設定完成後,最關心,當然是遺失電話後點做。用法其實唔難,只須利用已設定好的遙控手機號碼,向遺失的手機傳送指定內容的短訊。實際測試,發放「#onekey」短訊,手機會發出最大聲響,然後重新啟動,並清除手機內所有個人資料及相片。而發放「#alert」短訊,則會不停發出最大聲響,並且無法關上聲音,直至再發送「#alertoff」短訊為止。但以上操作,要透過短訊先可進行,若然對方關機,就愛莫能助。

iOS強化保安

雖然話 iOS有 Find My iPhone功能,但想有更好的保安效果,都仲有其他 apps幫到手。

辦公室必備 Anti Thief

Anti Thief最特別之處,是當手機的狀態突然改變下,就會發出聲響,提示手機安全受威脅。當中最有用包括充電感測同耳機感測,只要在充電時或耳機聽歌時,有人盜走充電線或耳機,手機就要求輸入密碼,超時或輸入錯誤就發出聲響,絕對值得裝。

Anti Thief

支援系統: iOS

售價:免費

一攞即響 Thief Alert– Anti Theft Alarm

用法比較簡單,只有「 Don't Touch Me」同「 Anti-Pocket Picker」兩種模式,前者一拎起就會響,而後者就是在光差大(例如由袋中拿出來)環境下先會響。而當響鬧時,必須以特定手勢先可以關上,反應都算幾靈敏。

Thief Alert– Anti Theft Alarm

支援系統: iOS

售價:$23

撰文:蘆甘

攝影:鄭樹清

features@extdigital.com.hk

鍾意就快D Share啦!


Related Posts Plugin for WordPress, Blogger...