網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月30日 星期三

【四太開綠燈】否認「包養」 何猷亨親認戀陳瀅:係拍緊拖 __,陳瀅,梁安琪,四太,猷亨,何猷亨,

賭王仔何猷亨早前被爆曾力追陳凱琳,又傳猷亨買過外賣俾劉佩玥食,最終猷亨情歸「新一代宅男女神」陳瀅(Jeannie),真的戀愛ing,今日有周刊爆,猷亨同陳瀅十指緊扣拖手行街,戀情斷正,報道更指猷亨「包起陳瀅」,安排女友入住四太梁安琪名下君臨天下一個複式單位,方便二人見面(新聞連結:http://bit.ly/1OjT4bc),又被爆二人去日本札幌過白色聖誕。《蘋果》向猷亨求證此事,猷亨承認陳瀅係情 ...


賭王仔何猷亨早前被爆曾力追陳凱琳,又傳猷亨買過外賣俾劉佩玥食,最終猷亨情歸「新一代宅男女神」陳瀅(Jeannie),真的戀愛ing,今日有周刊爆,猷亨同陳瀅十指緊扣拖手行街,戀情斷正,報道更指猷亨「包起陳瀅」,安排女友入住四太梁安琪名下君臨天下一個複式單位,方便二人見面(新聞連結:http://bit.ly/1OjT4bc),又被爆二人去日本札幌過白色聖誕。《蘋果》向猷亨求證此事,猷亨承認陳瀅係情侶關係:「係拍緊拖,大家都想低調,因為拍拖係私人事,我唔想影響對方嘅工作,唔想影響佢喺娛樂圈工作。」問到佢哋開始咗幾耐,猷亨就表示:「唔使交待咁仔細,我哋係識咗好耐,喺外國讀書時已經識,係朋友介紹。」對於報道指佢「包起」、「包養」女友,猷亨就激動表示:「絕對冇咁嘅事,十分唔尊重我同對方,我強調冇嘅事,人哋住嗰度同我冇關係,亦都同我屋企物業無關係,佢住邊同我零關係,「包起」、「包養」唔係事實。」至於指女友撬劉佩玥牆腳,猷亨更有點勞氣:「我講咗好多次,澄清過,同佢不嬲都冇嘢,真係朋友關係,冇拍過拖。」另外,四太梁安琪現時喺澳洲傾緊生意,《蘋果》今日致電四太問佢知唔知囝囝嘅感情事、有冇見過陳瀅,佢冇直接否認:「我見過好多女仔,成班人,唔知你講邊個,可能係都唔定。」問到佢反唔反對囝囝拍拖,四太就話:「點可以反對,仔女大咗都要拍拖。」不過,報道聲稱四太係批准囝囝將君臨天下複式畀陳瀅住噃!四太就急澄清:「我嗰度有好多物業,嗰啲大單位已經租晒出佢,可以肯定講百分百冇呢件事,肯定冇,肯定(炒)作出嚟!」對於囝囝被形容「包起」女友,四太稱唔想表態,只話冇睇雜誌,唔知本雜誌點解咁寫。

陳瀅(中)同劉佩玥(右)向來好老友。資料圖片 猷亨最終情歸「新一代宅男女神」陳瀅。資料圖片 資料圖片
報道更指,猷亨安排女友入住四太梁安琪名下君臨天下一個複式單位,真唔真呀!? 「愛之雪人」…好sweet呀。陳瀅Instagram圖片 陳瀅日前都喺Instagram貼出佢同猷亨去日本時,影嘅風景相。陳瀅Instagram圖片

鍾意就快D Share啦!