今日香港時間凌晨一點左右，網上忽然瘋傳話身在美國待產嘅章子怡生咗喎!據悉呢胎係仔。
36歲嘅章子怡生B消息，係一個叫做「關愛八卦成長協會」爆料嘅，大陸狗仔網「全民星探」即刻happy share，恭喜汪峰第3度當爸。不過本報收到消息，章子怡仍然待產，一月初才臨盆。
香港時間今早9點幾，章子怡喺微博貼圖——你都可以話係BB相嘅，不過係狗BB。相中章子怡抱住狗狗曬太陽，寫道:「兒咂？只有這個。」但未有註明身在何方。而且相中章子怡明顯較消瘦，故網民猜測只係舊相。
大陸娛樂網站「橘子娛樂」APP都有貼文，聲稱收到來自章子怡本人嘅回應，劈頭一句就是：假的！
「峰子」交往兩年，感情穩定，今年二月汪峰求婚成功，五月登記結婚，跟住就傳出懷孕喜訊。章子怡八月初完成電影宣傳後，全面停工專心待產，最近一次露面係上月底，同汪峰一起現身拉斯維加斯當時她腹部隆起，雖然四肢纖細，但側面看來頗圓潤，同今日佢貼嗰張圖嘅樣好唔同，所以應該係舊相而已。
之前章子怡已經循優才計劃成為「香港人」(香港人千祈唔好問準則點定喇!)依家喺美國生B，可能BB入埋美國籍咁啦……
來源 source: http://hk.apple.nextmedia.com
|
鍾意就快D Share啦！
|
|
|
