掃呢頁CODE去手機

2015年12月27日 星期日

【狗仔出更】肚凸凸陪老公行街 葉翠翠默認大肚:係有啲嘢遲到咗 __,翠翠,葉翠翠,

現年34歲嘅葉翠翠,今年7月同建築師兼公司副董事男友周曉東(Raymond)結婚,正式成為人妻,雖然翠翠曾經講過婚後會同老公先過二人世界,再慢慢調理身體等生B,不過最近有消息話新婚唔夠半年嘅翠翠已經造人成功,《蘋果》噚日仲喺中環巧遇肚凸凸嘅翠翠,著大褸遮肚陪老公去中環嘆茶兼shopping,記者今日致電恭喜佢造人成功,翠翠亦默認有喜,笑住話:「唔知呢!咁呢排係有啲嘢遲到咗嘅!」噚日BoxingDa ...




其他影片:>>






現年34歲嘅葉翠翠,今年7月同建築師兼公司副董事男友周曉東(Raymond)結婚,正式成為人妻,雖然翠翠曾經講過婚後會同老公先過二人世界,再慢慢調理身體等生B,不過最近有消息話新婚唔夠半年嘅翠翠已經造人成功,《蘋果》噚日仲喺中環巧遇肚凸凸嘅翠翠,著大褸遮肚陪老公去中環嘆茶兼shopping,記者今日致電恭喜佢造人成功,翠翠亦默認有喜,笑住話:「唔知呢!咁呢排係有啲嘢遲到咗嘅!」噚日Boxing Day香港氣温明顯下降,街上大人細路個個都加返件衫保暖以防冷傷風,咁大肚婆呢?唔駛講都知要更加小心啦,就好似葉翠翠,噚日黃昏5點幾,本報記者發現着短裙長靴加大褸嘅佢,孖老公Raymond喺中環行街,新婚嘅翠翠同老公sweet到爆,等過馬路期間,翠翠畀風吹亂咗啲頭髮,Raymond仲即刻幫老婆撥返好,真係冧死人咩!而肚凸凸嘅翠翠,同老公去文華東方酒店嘆茶後,再去置地shopping,明顯為咗遮住凸肚嘅翠翠,入到室內都唔除褸,老公就喺佢身邊傍到實,期間二人要撘扶手電梯往下層,Raymond即刻拖實老婆,唔畀佢自己行,超級細心,不過翠翠個樣就有啲攰,佢同老公講嘢都細細聲,好似唔多夠氣,所以兩人行咗一陣都打道回府喇!《蘋果》今日打過電話揾翠翠問佢係咪有喜,聽到記者咁問,翠翠有啲愕然,然後就笑住話:「吓!係......努力緊嘅,一直都努力緊嘅!」當記者話噚日見到佢肚凸凸行中環,翠翠即哈哈大笑:「係咪想話我肥咗咋!(係咪驚小器唔講得?)唔知呢!咁呢排係有啲嘢遲到咗嘅!」

(攝影:羅德光) 細心呵護
拖實愛妻 燈光之下,翠翠個肚明顯凸出嚟 翠翠就默認:呢排係有啲嘢遲到咗嘅!

鍾意就快D Share啦!