掃呢頁CODE去手機

2015年12月28日 星期一

羅霖哭訴:佢講一套做一套! __,羅霖,

我一個女人帶3個仔,依家仲要畀埋學費點頂?劉家應該照顧三個孫!
羅霖哭訴:佢講一套做一套!現年51歲的美魔女羅霖,三年前自爆遭家暴兼離婚,與前夫劉坤銘更一直為贍養費公開互指不是。一個女人孭起頭家,要照顧三個兒子起居飲食,本來已掹掹緊,誰知平安夜再收噩耗。前晚她在新城慶功宴上,壓力爆煲哭訴收到前夫的律師信,驚聞對方只肯支付三個兒子的部分學費:「佢好似唔畀好日子我過。」一字一淚,聞者心酸。我一個女人帶3個仔,依家仲要畀埋學費點頂?劉家應該照顧三個孫!藝人羅霖三年前 ...


羅霖哭訴:佢講一套做一套!

現年51歲的美魔女羅霖,三年前自爆遭家暴兼離婚,與前夫劉坤銘更一直為贍養費公開互指不是。一個女人孭起頭家,要照顧三個兒子起居飲食,本來已掹掹緊,誰知平安夜再收噩耗。前晚她在新城慶功宴上,壓力爆煲哭訴收到前夫的律師信,驚聞對方只肯支付三個兒子的部分學費:「佢好似唔畀好日子我過。」一字一淚,聞者心酸。

藝人羅霖三年前宣布與劉坤銘結束16年婚姻,兩人曾一度為兒子撫養權及贍養費一事公開互數。羅霖自爆從冇收過夫家一毫子,有傳更反遭劉坤銘索取贍養費,不過遭劉坤銘否認。其後羅霖又爆前夫出招阻止細仔出席其生日會,與前夫的關係已達白熱化。

前晚羅霖以半百之齡,於《新城勁爆頒獎禮》中憑與馬嘉均的合唱歌奪「新城勁爆合唱歌曲獎」。前晚她出席慶功宴時分享得獎感受,興高采烈表示這是她復出以來首個樂壇獎項,作為樂壇新人能獲獎對三個兒子有所交代,證明三年來的努力冇白費。

細仔爆喊求復合

不過提到三個兒子時,她即收起笑容,自爆平安夜過得不平安:「平安夜收到前夫嘅律師信,話學費只畀到三分二或三分一,話公司人事發生問題。平安夜對我嚟講一啲都唔平安,我一個女人要面對好多問題。(擔心應付唔到學費?)擔心o架,依家三個仔同我住。呢三年對我嚟講壓力好大,如果佢加重我呢方面負擔,我真係唔係好明,就算佢畀唔到,劉家都應該照顧呢三個孫!」她更透露細仔於聖誕節向她表示希望她與前夫回到未離婚時,令她忍不住哭泣說:「我同佢連續講三次對唔住,唔可以返番去,但希望佢開心,始終呢樣嘢會影響小朋友。」

供三個仔讀書大家都應份,咪成日攞嚟講!
  • 供三個仔讀書大家都應份,咪成日攞嚟講!
羅霖表示細仔於聖誕節哭求她與前夫復合。
  • 羅霖表示細仔於聖誕節哭求她與前夫復合。
羅霖指這三年來獨力負責三個囝囝嘅生活費,壓力爆燈。
  • 羅霖指這三年來獨力負責三個囝囝嘅生活費,壓力爆燈。

出年赴美國讀書

昨日羅霖接受電話訪問時,坦言收到律師信至今,心煩意亂:「一向係我負責三個仔嘅生活費,劉生負責三個仔學費,依家佢話只畀三分一或三分二學費。好煩!啱啱以為settle咗,之後又要來來往往律師信。如果要我支付部分學費,會非常吃力,因為第二個仔出年就去美國讀書,學費都好多,依家叫個仔同爸爸傾吓。暫時未決定點好,好心淡,佢好似唔畀好日子我過。」提到細仔希望她與前夫重返三年前未離婚的心願,羅霖語帶哀傷表示:「我哋初初離婚時,細仔都講過一次,之後冇再講,我以為個仔接受咗,但早幾日佢又講。原來個仔一路放唔低,好難過,攬住一齊喊。」

藝人羅霖(右)早前與助手現身商場卻齋睇唔買,相當慳家。
  • 藝人羅霖(右)早前與助手現身商場卻齋睇唔買,相當慳家。
羅霖與馬嘉均前晚勇奪「新城勁爆合唱歌曲獎」。
  • 羅霖與馬嘉均前晚勇奪「新城勁爆合唱歌曲獎」。

對於前夫劉坤銘揚言不會讓兒子影響學業,定會助他們完成學業時,羅霖憤怒謂:「如果佢再同人講一套,同我講一套,必要時,我會公開律師信內容。」早前羅霖與助手現身銅鑼灣飲茶,見她離開時途經商場時裝店,都只是齋睇冇買,之後更到商場櫃位取泊車優惠,實行慳家慳到盡。

文:名人組


鍾意就快D Share啦!