2015年12月16日 星期三

冇晒惡搞好苦悶!經典二次創作有排數 [FACE - 447] __,MF,

全知言冇晒惡搞好苦悶!經典二次創作有排數WhatsApp傳cap圖,分享惡搞歌已是日常指定動作。咁好玩嘅二次創作世界,梗係想佢直到永遠啦,但如果網絡23條(版權(修訂)條例草案)一旦通過,第時傳張圖都隨時踎監……二次創作唔係網民專利,連班成日被惡搞嘅藝人都話正,但有權利就有義務,想繼續玩,就先請抗爭,你都唔想sendcap圖畀人,要俾晒版權稅過三關先send啫?關楚耀:希特拉最正YouTube畫面 ...


全知言

冇晒惡搞好苦悶!經典二次創作有排數

WhatsApp傳 cap圖,分享惡搞歌已是日常指定動作。咁好玩嘅二次創作世界,梗係想佢直到永遠啦,但如果網絡 23條(版權(修訂)條例草案)一旦通過,第時傳張圖都隨時踎監……

二次創作唔係網民專利,連班成日被惡搞嘅藝人都話正,但有權利就有義務,想繼續玩,就先請抗爭,你都唔想 send cap圖畀人,要俾晒版權稅過三關先 send啫?

關楚耀:希特拉最正

YouTube畫面

我最鍾意嘅二次創作,就係《希特拉 cut唔到有綫》,首先飾演希特拉嗰位演員非常之勁啦,加埋咁有深度、創作力嘅網民,要跟番住個口形配音,然後成個故事改晒,真係好勁!我有機會真係想揾佢哋寫一寫歌詞先得。我唔記得自己有冇被改圖啦,但就算有,我都唔會嬲,因為呢啲係創作嚟。

陸詩韻:典解嘅?

我最鍾意、最記得就係吳若希「典解嘅?好打意呀!」我自己有時同朋友食飯,用嚟開下玩笑。我自己都有被惡搞過,大約 7、 8年前,我有個幫騎馬機宣傳嘅片,咁我喺騎馬機上嘅動作,就被網民攞嚟做 gif,我覺得係攪笑嘅冇咩所謂,我好贊成網上創作。

網上圖片

馬天佑: JFung無限 loop

我好鍾意睇 JFung嘅二次創作,佢嗰啲無限 loop,電子音樂做背景嘅片,我好鍾意睇,成日一邊做嘢,一邊播住聽。 cap圖就一定係吳若希嗰張「典解嘅?」,好得呀,我係一個好開放嘅人,如果有人惡搞我,我絕對唔會嬲,唔會追究。

YouTube畫面

陳瀅:歡迎惡搞

我就冇咩邊個二次創作記得,但如果有人惡搞我,攞我嚟改圖,我唔會追究嘅,如果個個都講我都幾好呀,起碼有新嘢俾大家,不過太核突就梗係唔好

翁子光(《踏血尋梅》導演):有請小鳳姐

網上圖片

我最 like當然係小鳳姐嘅〈喜氣洋洋〉啦,呢首歌成日用嚟抽水,一啲政權呀,社會上不公嘅事,最近郭富城目標咁大,亦有網民攞《踏血尋梅》佢嘅劇照改圖都有。我自己冇咩所謂,唔太大傷害嘅就 ok,二次創作就係反映市民對主流嘅意見、評價, Andy Warhol都有二次創作啦,呢樣嘢唔應該被剝削。

街坊撐二次創作: WhatsApp覆人就係用 cap圖

唔使問都知後生仔勁 like二次創作啦,佢哋基本上日日聽改詞,對話用 cap圖代替,想繼續?都係嗰句,要爭取囉!唔好俾網絡 23條通過呀!

Alby(19歲):

我最記得劉江嘅「講呢啲」呢張 cap圖,因為好好笑囉,仲有阿源「這些機會不是我的」,基本上 WhatsApp覆人就係用呢啲 cap圖。

Heitung(18歲):

我就最記得「人類總是犯同樣的錯誤。」呢句我覺得好百搭,尤其錯咗嘅時候可以用。

柳樹(2X歲):

今年年頭發生嘅「睇 L住啦」,好好笑,尤其朋友就嚟出事嗰陣,一定攞嚟用。

Amanda(20歲):

我最鍾意嘅二次創作係阿源嘅「我覺得自己係零」,可以用喺好多地方, WhatsApp用嚟 send俾人。

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine


鍾意就快D Share啦!
Related Posts Plugin for WordPress, Blogger...