2015年12月16日 星期三

有心冇血 戒紅肉出事 陳瀅紅血球過低唔俾捐血 [FACE - 447] __,陳瀅,MF,

上週四(10日),完成港海城工作即自駕去京士柏捐血站,仲好熟路咁走去血紅素測試區俾隻手指姑娘拮,原來陳瀅BB每三個月都會捐一次血。真面目有心冇血 戒紅肉出事 陳瀅紅血球過低唔俾捐血野生捕獲嘅嘢,明星名人來來去去咪又係血拼醫肚行街甚至夜蒲,好似陳瀅咁,被補獲去捐血都係第一次!不過人捐佢捐,點解陳瀅BB喺捐血站俾人拮咗一針就走嘅?原來佢紅血球過低,啲血唔合囉!三個月例必捐一次血,有愛心就梗㗎啦,不過又 ...


上週四( 10日),完成港海城工作即自駕去京士柏捐血站,仲好熟路咁走去血紅素測試區俾隻手指姑娘拮,原來陳瀅 BB每三個月都會捐一次血。

真面目

有心冇血 戒紅肉出事 陳瀅紅血球過低唔俾捐血

野生捕獲嘅嘢,明星名人來來去去咪又係血拼醫肚行街甚至夜蒲,好似陳瀅咁,被補獲去捐血都係第一次!

不過人捐佢捐,點解陳瀅 BB喺捐血站俾人拮咗一針就走嘅?原來佢紅血球過低,啲血唔合囉!三個月例必捐一次血,有愛心就梗㗎啦,不過又係因為愛心爆棚,陳瀅為愛犬戒咗四年牛肉,連紅肉都愈食愈少,卒之搞到鐵質過低紅血素唔合格囉!今次真係左手又係肉,手背又係肉,點揀好?

大台頒獎典禮又玩完,陳凱琳係嘉穎嫂又力捧中,攞飛躍獎是常識吧!扮到靚一靚嘅陳瀅 BB坐足成晚都係錫住賀好姊妹替人開心,其實又有乜所謂?唔係親生女唔使被綁死,形象好人氣高,出面大把機會,經理人公司 Starz People又俾蕭定一入埋手,你慌冇戲拍咩?

血紅素唔達標搞到捐唔到,又帶住口罩睇唔出佢係唔係扁嘴,不過俾人拒絕完都仲喺度悠悠閒閒睇下單張,目測陳瀅 BB都唔係好失望!

大台頒獎禮當晚陳瀅都透視出場,不過佢條手臂,似乎粗咗少少喎!

與狗同眠

follow開陳瀅 fb就知,佢大半相都係愛犬,日日攬住瞓又攬住錫,原來其中一隻四年前重病,陳瀅自此為隻狗戒咗牛肉。 網上圖片

愛心高紅血低

好過日出而作日入而息, on call36小時圍困電視城,拍緊港台劇嘅陳瀅 BB果然大把時間出城搵真銀。上週四( 10日),出席完海港城活動,勢估唔到陳瀅唔係順手行下街下買下嘢,反而自駕一支箭去咗京士柏捐血站。

不過人捐佢捐,人哋捐完點都飲支橙汁食件芝麻餅回下氣先,點解陳瀅唔夠兩分鐘就離場呢?「哦……我知你哋講邊日喇!其實我每三個月都會定期捐血,不過嗰日就爭零點幾紅血球指數至合格,所以冇得捐。姑娘叫我食多啲肉……但係我戒咗牛肉四年,紅肉都愈食愈少,因為隻狗狗四年前病咗,我應承觀音戒牛,慢慢因為自己養小動物,就再食少咗紅肉。唔緊要啦,補得番,我呢兩日都會再捐過!」 BB真係好有愛心嘅啫!

菜多過肉

陳瀅話近年唔只牛,養得多小動物,連其他肉都小食埋,就算出街約朋友相機食先,都真係見陳瀅小肉多菜。 網上圖片

唔係親生女,台慶頒獎禮陪坐是常識吧!唔係有部電話玩,成晚流流長真係唔知點過。

唔係得個樣得本寫真有仙氣,原來陳瀅 BB仲定期捐血又愛護小動物,係咪又有得加分呢?

關嘉美:菠菜蘋果一樣補血

到底係咪可以唔食紅肉都捐到血?家庭醫生關嘉美話都得啫:「血紅素低即係話食嘢唔均衡,係會容易喺素食者身上發生。都係貧血嘅一種,會容易攰、頭暈同覺得個人虛弱。想增加血紅素好簡單,食多啲紅肉或者素食者就食多啲菠菜蘋果一樣得!」

素食養仙氣?

為健康、為信仰、為動物權益都好,其實愈嚟愈多圈中人茹素,只要食得正確補充鐵質,茹素唔只唔會血紅素低,隨時仲會多咗啲仙氣添!

志雲

有名你叫志雲大師,就算官司纏身一樣灑脫咁有仙氣!志雲信耶穌,不過就跟佛教徒戒五辛,茹素足足 20年!

王喜

雖然同志雲係摯友、又經常傍住志雲左右跟到足,不過王喜茹素就唔關志雲事,係 9年前登山後大難不死嘅決定。

王菲

王菲呢種級數應該叫仙女至啱。阿菲不嬲都信佛念佛經,不過正式戒煙戒酒又戒埋肉就由細女李嫣出世開始。

唐寧

媽媽界代表不能不提唐寧,佗 B餵人奶時一樣唔會破例,證明就算食素,一樣可以做到營養均衡,大小健康。

採訪、撰文:娛樂組

攝影:娛樂突發組


鍾意就快D Share啦!
Related Posts Plugin for WordPress, Blogger...