掃呢頁CODE去手機

2015年12月16日 星期三

【製造偶遇機會】霍啟山狂追超蓮 李蘊:佢哋應該係幾friend __,李蘊,霍啟山,何超蓮,超蓮,

賭王「最索千金」何超蓮之前同台灣歌手吳克羣拍拖4年情玩完,火速即傳緋聞,有報道指霍震霆二仔霍啟山力追超蓮。有指霍家二少同超蓮世交識咗多年,不嬲對超蓮都有好感,不過佢前兩年同混血女模LeaT.拍緊拖,當其時超蓮亦同吳克羣一齊,當然冇嘢可以發生。自從超蓮上個月宣佈同吳克羣分手後,即傳啟山落力出招狂追,好似上個禮拜羅傑承投資嘅餐廳搞周年活動,羅傑承個仔識唔少富二代,一向甚少出席名人社交活動嘅啟山收到風, ...


賭王「最索千金」何超蓮之前同台灣歌手吳克羣拍拖4年情玩完,火速即傳緋聞,有報道指霍震霆二仔霍啟山力追超蓮。

有指霍家二少同超蓮世交識咗多年,不嬲對超蓮都有好感,不過佢前兩年同混血女模Lea T.拍緊拖,當其時超蓮亦同吳克羣一齊,當然冇嘢可以發生。

自從超蓮上個月宣佈同吳克羣分手後,即傳啟山落力出招狂追,好似上個禮拜羅傑承投資嘅餐廳搞周年活動,羅傑承個仔識唔少富二代,一向甚少出席名人社交活動嘅啟山收到風,罕有現身扮「偶遇」,點知超蓮嗰晚又姍姍來遲,等足兩粒鐘無癮走人。

超蓮甩拖後,大部份時間都係搵閨蜜散心,一時去G.E.M.屋企煮飯仔,呢幾日就同班女性友人去咗曼谷玩。據雙方友人透露,啟山係有追超蓮之心,而超蓮友回復單身都有開始出番嚟活躍社交圈子,有去吓同朋友去吓party,但二人確實並未有撻着,唔係啟山都唔使搵「活動」去撞超蓮,《蘋果》就搵過超蓮,佢就話唔回應。

至於問到超蓮嘅閨蜜李蘊知唔知佢哋係咪拍拖?好姐妹李蘊話:「吓!唔係啩,佢咁靚女多人追係正常,總之佢0依家冇拍拖,啱啱先分開,點會咁快,靚女唔代表一個接一個。」

超蓮有冇提過啟山?李蘊話:「我知佢哋應該係幾friend。」咁你同啟山熟唔熟?李蘊話:「見過吓,互相認識。」問到乜場合見過啟山?係咪超蓮帶佢出嚟?李蘊話:「一大班人去飲嘢食嘢見過,總之佢0依家冇拍拖。」

再問啟山係咪想追超蓮?李蘊話:「我又唔知喎,好多人想追佢啦,我係男仔都想追佢。」超蓮0依家有幾多追求者?李蘊話:「佢身邊咁多男性朋友,我諗每一個單身都想追佢。總之0依家冇一個發展對象,到時有先算,唔可以講定一個,根本就唔係。」

上個禮拜四,超蓮去羅傑承開嘅餐廳活動,不過就姍姍來遲。 啟山一早到場,等咗兩個鐘,超蓮未見人。 超蓮回復單身,身邊大量觀音兵打佢主意。
超蓮好友話聚會見過啟山,但話佢哋唔係拍拖。 超蓮甩拖後節目多,日前同女友人去咗曼谷玩。

鍾意就快D Share啦!