掃呢頁CODE去手機

2015年12月24日 星期四

慧嫻、學友 Hi-Fi碟勇救環球 [壹週刊 - 1346] 學友,M1,張學友

唱得的慧嫻同學友主攻發燒碟市場,成功開拓一條財路。探熱針慧嫻、學友Hi-Fi碟勇救環球無綫搵汪阿姐同秋官主持的《Sunday靚聲王》,成功挽回一輪面子,事實證明老一輩uncle、auntie歌手,有不容忽視的吸睛能力。情況好似環球唱片,過去幾年唱片業績差強人意,偏偏有盧冠廷、陳慧嫻同歌神張學友出Hi-Fi靚聲碟救亡,加上陳慧嫻回歸樂壇後登台騷密密做,令公司起死回生,轉虧為盈。幾時都話,薑愈老愈辣! ...


唱得的慧嫻同學友主攻發燒碟市場,成功開拓一條財路。

探熱針

慧嫻、學友 Hi-Fi碟勇救環球

無綫搵汪阿姐同秋官主持的《 Sunday靚聲王》,成功挽回一輪面子,事實證明老一輩 uncle、 auntie歌手,有不容忽視的吸睛能力。情況好似環球唱片,過去幾年唱片業績差強人意,偏偏有盧冠廷、陳慧嫻同歌神張學友出 Hi-Fi靚聲碟救亡,加上陳慧嫻回歸樂壇後登台騷密密做,令公司起死回生,轉虧為盈。幾時都話,薑愈老愈辣!

唔靠得 Eason

本月初,商台《叱咤》樂壇流行榜公布「叱咤我最喜愛男歌手」五強,最後一位竟然是「巨聲幫」的坤哥(吳業坤),樂壇有幾鼎盛,可想而知。生意難做,唱片公司規模大如環球,又有個唱片銷量穩定的陳奕迅坐鎮,業績一樣危危乎。

「 Eason同公司(環球)只係唱片代理,無經理人約,加上一線歌手 budget條數唔細, Eason係賣得好,但公司無乜着數。」一名環球職員透露。

Eason忙住做「陳永安」,逢週末就要巡唱;李克勤寧願同容祖兒開騷唔出碟,經理人合約屬於環球的歌手,如 Kary(吳雨霏)、關楚耀,唱片量賣有限數唔在講,想靠出席活動幫補「家計」,亦受到無綫旗下的「星夢娛樂」平價頂爛市衝擊,唱片公司業績一直見紅。

七年無出碟的盧冠廷,雖然唱舊歌,新碟一樣賣到金唱片銷量。

貴為環球一哥,陳奕迅密密做巡唱,唱片銷量不俗,但成本高,唱片公司只係打個和。

最大金主

新一輩歌手吸金乏力,求一線生機,只好向班唱得的老餅埋手。環球主攻回報率不錯的發燒碟市場,先有歌神張學友,推出個人第三張發燒碟《醒着做夢》,英國倫敦 Abbey Road Studios錄音,美國紐約混音,揼本製作;即使派台力 plug的《用餘生去愛》未算唱到街知巷聞,唱片銷情依然理想,成為同月的銷量冠軍,埋單有可觀進賬。

最意想不到,是七年冇出過碟的盧冠廷,今年中推出新碟《 Beyond Imagination》,翻唱自己的名曲和作給其他人的經典,一樣賣到金唱片銷量!

但年度金主,則是唱片連經理人合約均屬於環球的陳慧嫻,去年在紅館開《 Back to Priscilla 30th Anniversary Concert》,緊接多場巡迴及多場《寶麗金永恆金曲演唱會》,明年再踏紅館開騷,成為公司最大一棵搖錢樹,難怪慧嫻要求再出翻唱唱片《 Evolve》食老本,環球都全面配合。

現今香港樂壇,只能依賴一班上世紀歌手吊命!

Kary同關楚耀無能力靠唱片搵錢,出騷量亦不多,養得起自己養唔起公司。

老餅有火

新不如舊,造就舊一輩復出搵錢,老餅開 show,十居其九反應熱烈,可以一加再加。

轉戰內地十年,陳慧嫻 13年再賣身環球,高層黃劍濤為她舉行盛大簽約記者會。

許廷鏗、吳若希所屬的星夢娛樂,賤價接騷頂爛市。

顧嘉煇

今年 5月的《顧嘉煇榮休盛典演唱會》,每晚有葉麗儀、關菊英、陳潔靈等 12位歌手做駐場表演嘉賓,門票公開發售後極速爆滿,掀起撲飛潮,結果兩度加開到 12場。

溫拿

溫拿五虎農曆新年於紅館舉行《溫拿 Never Say Goodbye演唱會 2016》,門票銷情熱烈,內部認購超晒額,早前譚詠麟宣布要加開兩場還人情債,一連七場,場場爆滿。

汪明荃、鄭少秋

11年,鄭少秋、汪明荃與日本著名音樂人喜多郎合作在紅館開騷,兩批歌迷鬥搶飛,門票一開賣就售罄,加場亦火速爆滿。

林子祥

開騷開得相當密的林子祥,下月在紅館舉行演唱會慶祝入行 40年,歌迷反應依然熱烈,一開賣已去到九成飛。

撰文、攝影、攝錄:娛樂組


鍾意就快D Share啦!