掃呢頁CODE去手機

2015年12月25日 星期五

Hot Talk:英超Fever:球員明撐暗踩!尹戈爾今次瓜得 __,

朗尼(右)口講話撐,又睇佢踢成點!next1/1pre過埋聖誕快車未必見到尹戈爾。(互聯網圖片)next1/1pre曼聯今輪會於聯賽作客史篤城,賽前隊長朗尼高調力撐主帥尹戈爾,表面睇落呢位荷蘭教頭得到球員支持,但消息指「紅魔鬼」將士對尹帥非常反感,已經密謀夾計整死佢,若然球隊今場再輸,尹戈爾執定包袱都得喇!尹戈爾民望插水,今次生死戰前朗尼突然開腔撐佢:「依家有唔少謠言,其實全軍球員都好努力為領隊而 ...


朗尼(右)口講話撐,又睇佢踢成點!

next 1/1 pre

過埋聖誕快車未必見到尹戈爾。(互聯網圖片)

next 1/1 pre

曼聯今輪會於聯賽作客史篤城,賽前隊長朗尼高調力撐主帥尹戈爾,表面睇落呢位荷蘭教頭得到球員支持,但消息指「紅魔鬼」將士對尹帥非常反感,已經密謀夾計整死佢,若然球隊今場再輸,尹戈爾執定包袱都得喇!

尹戈爾民望插水,今次生死戰前朗尼突然開腔撐佢:「依家有唔少謠言,其實全軍球員都好努力為領隊而戰,希望可以扭轉頹勢,我哋堅係一條心。」朗尼口講球員支持尹戈爾,但睇番一眾將士場上表現完全係兩回事,個別球員直頭唔多願跑,意圖都好明顯。

尹戈爾任內鐵腕治軍,好多「紅魔鬼」球員都勁反感,佢仲要取消埋球會傳統聖誕派對,堅犯眾憎!曼聯管理層接受唔到球隊對史篤城再輸,隊內西班牙幫成員桑馬達、安達靴里拉同迪基亞等被指唔妥尹帥,難得有機會踢走呢條麻煩友,佢哋唔介意hea多一場送尹帥一程,情況就好似車仔球員早前對李斯特城放軟手腳咁,睇嚟尹帥真係嗰頭近喎。

就算尹戈爾過到史篤城呢關,下輪硬撼車路士一樣冇運行!彩報online將會全程直擊曼聯之亂,今場「紅魔鬼」作客對史篤城賽前30分鐘會有即場陣容,英超聖誕快車大戰連場,想緊貼市況?咁就要mon實彩報online喇!

彩報Online網址

http://bit.ly/1YRy2F5


來源 source: http://hk.on.cc
鍾意就快D Share啦!