2015年12月27日 星期日

【拍拖相曝光】超蓮同新歡劉根森玩過山車 IG借賭王老竇談情 __,賭王,何鴻燊,何超蓮,超蓮,

賭王三房千金何超蓮同內地百億家底富二代劉根森(Sam)暗撻,聖誕夜喺中環玩AIA歐陸嘉年華,雖然超蓮就解話同Sam係「普通朋友」,仲話係同一大班菁英會朋友一齊去玩。超蓮唔敢認愛係明嘅,畢竟佢同吳克羣分手都唔夠1個月,想低調處理感情事係合情合理。據悉,超蓮今個聖誕去咗澳門同一大班朋友倒數,當中包括Sam,本報讀者余小姐透過「爆相爆料」提供咗一張佢哋拍拖相,原來佢哋晏晝先喺珠海玩咗一輪,現場所見當日3 ...


賭王三房千金何超蓮同內地百億家底富二代劉根森(Sam)暗撻,聖誕夜喺中環玩AIA歐陸嘉年華,雖然超蓮就解話同Sam係「普通朋友」,仲話係同一大班菁英會朋友一齊去玩。超蓮唔敢認愛係明嘅,畢竟佢同吳克羣分手都唔夠1個月,想低調處理感情事係合情合理。據悉,超蓮今個聖誕去咗澳門同一大班朋友倒數,當中包括Sam,本報讀者余小姐透過「爆相爆料」提供咗一張佢哋拍拖相,原來佢哋晏晝先喺珠海玩咗一輪,現場所見當日3、4點,超蓮同Sam二人世界去咗橫琴海洋王國玩機動遊戲,當時Sam負責睇地圖,之後就一齊去咗排隊玩過山車,之後就急急腳會會合排緊隊0既朋友仔。之後,佢哋衫都冇換,原班人馬夜晚返到香港去嘉年華玩第二場。一向童心嘅超蓮真係玩機動遊戲玩唔厭,兩場都同Sam一齊玩,將聖誕呢個機會畀晒對方,咁狂追佢嘅霍啟山會唔會好葡萄?!超蓮同Sam除咗一齊過聖誕,原來之前仲喺IG互相傳情,超蓮喺1個半月前擺咗張賭王老竇17歲嘅靚仔相,跟手Sam亦post咗張阿爺相,tag了超蓮談情寫上:「你有帥爸 我爺更帥!」而超蓮亦有回Sam:「還是我爸帥。」計返時間,超蓮仲未同吳克羣正式分手,估計二人當時尚未奉撻着。另一邊,爆出Sam戀上超蓮新聞後,亦有讀者翻佢舊帳,提供了一張舊年佢仲喺波士頓大學,當時陪女友影畢業相,不過據悉二人已分手,才有機會今個聖誕係超蓮身邊「做兵」。唔知超蓮係咪好緊張同Sam新聞,噚日就忽然擺咗一張佢同Sam同埋一大班朋友相,更刻意留言:「鄭重聲明:我們是一大群的好朋友,一起過聖誕,不是單獨約會,沒有發展空間,我還是單身,謝謝。」真係好大陣此地冇銀味,更有網友笑她:「為什麼還特意強調了~哈哈。」

超蓮同新歡劉根森聖誕當日下午先喺珠海玩咗一輪 (讀者提供圖片) 兩人仲喺IG傳情 劉根森被爆喺美國有女友,但據知已分手。
超蓮5點幾擺咗張Sam同一大班朋友合照相。講真,真係相當有可疑。 仲留言:「鄭重聲明:我們是一大群的好朋友,一起過聖誕,不是單獨約會,沒有發展空間,我還是單身,謝謝。」

鍾意就快D Share啦!
Related Posts Plugin for WordPress, Blogger...