網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月9日 星期三

冇機挑 拒上《網絡挑機》 大 J:佢地好易俾人呃到 [FACE - 446] __,MF,

大J話自己主要觀眾係網民,並唔恨同大台合作,他說:「如果合作嘅方式係好似《網絡挑機》咁,剪接權同主導權冇得傾,我唔會合作囉。」真面目冇機挑 拒上《網絡挑機》 大J:佢地好易俾人呃到大台節目《網絡挑機》表面上成班YouTuber可以上大台狂插大台,點知節目出街後,班YouTuber反而被人插爆,其中司徒夾帶被鬧得最勁,話佢被叻哥、肥媽寸到冇得還擊。雖然司徒夾帶事後表示仍然會再做大台節目,但其實晨早有 ...


大 J話自己主要觀眾係網民,並唔恨同大台合作,他說:「如果合作嘅方式係好似《網絡挑機》咁,剪接權同主導權冇得傾,我唔會合作囉。」

真面目

冇機挑 拒上《網絡挑機》 大 J:佢地好易俾人呃到

大台節目《網絡挑機》表面上成班 YouTuber可以上大台狂插大台,點知節目出街後,班 YouTuber反而被人插爆,其中司徒夾帶被鬧得最勁,話佢被叻哥、肥媽寸到冇得還擊。雖然司徒夾帶事後表示仍然會再做大台節目,但其實晨早有班醒目 YouTuber推咗方丈,其中大 J更話:「我覺得佢哋( YouTuber)社會經驗唔夠,咁好易被人呃,佢哋被 TVB過咗一『棟』。中咗招嘅網絡人下次學精啲囉!」呢句說話,聽落好風涼!

大 J除咗打機片多人睇,旅行自拍片亦受歡迎,當中一條去日本搵拓也哥就有 59萬。 網上圖片

大台節目《網絡挑機》上星期開播,搵嚟一班成日插大台嘅 YouTuber司徒夾帶、伍公子等上節目插大台兼製作節目,可惜,剪片權喺人哋手,令到成班網絡人由挑機變儍仔,龍頭司徒夾帶更被網民插爆、話佢被阿叻、肥媽寸到冇得還擊。

「網民先係我嘅觀眾!」

大台搵嚟成班 YouTuber拍攝《網絡挑機》,可惜被插爆嘅唔係大台,而係一班 YouTuber。 網上圖片

一眾平時鬧爆大台嘅 YouTuber,今次被方丈玩番轉頭,據知大台原本想搵埋人氣高嘅達哥(林慧韡)同熊仔頭幫手,好在佢哋冇埋堆執身彩。本刊問回兩位當事人,一向敢言嘅達哥就話:「我要諗諗做唔做呢個訪問,不過呢個問題涉及好多嘢比較複雜。」

而熊仔頭就話:「有冇搵我唔知,(想唔想拍大台節目?)𠵱家就唔識答喇,之前都仲答到。」兩位平時牙尖嘴利嘅網絡紅人,見到網民狠批同驚得罪方丈,都罕有地「慎言」,明白嘅。

不過另一網絡紅人大 J( YouTube訂閱人數超過 35萬),亦曾獲邀拍攝節目,但他卻醒目推方丈。上週六( 5日)大 J同胡杏兒一齊出席活動,大 J表示:「無綫之前有個節目搵我,不過我推咗,因為我覺得網民先係我嘅觀眾,電視機我唔係有太大興趣。(覺唔覺今次班 YouTuber輸晒?)某程度上係㗎,佢哋可能社會經驗唔夠,咁好容易被人呃到,佢哋被 TVB過咗一『棟』,佢哋係輸咗㗎,希望網民唔好放棄網絡人啦,又希望中咗招嘅網絡人下次學精啲!」你冇中招,真係叻到裂!

大 J仲唔小心踩埋一眾網絡女神:「好老實講,有啲網友被人話女神,佢哋一上到電視機拍埋真正藝人側邊時候,你會見到分別好大。」

【達哥笠晒水】

達哥算係一眾網絡紅人之中最搵得錢,起碼有廣告拍,平時咩都夠膽講,但問佢呢個節目點睇,佢就封口,方丈威力真係勁。

《蘋果日報》圖片

網上圖片

【熊仔頭唔識答】

據知大台打過熊仔頭同杜小喬主意,最後熊仔頭婉拒,問到佢想唔想借 TVB吸客,他說:「之前都仲識答,𠵱家就唔係好識。」

網上圖片

網上圖片

【李力持狠批】

上週五( 4日) Ming仔、恆仔同譚杏藍提議拍李錦聯、安德尊放屁嘅片,變咗拍兩個人對打街霸,結果被李力持狠批, Ming仔亦承認失敗:「其實我哋自己睇番,都有鬧自己條片。」

網上圖片

網上圖片

【夾帶賴剪接】

被網友鬧得最勁嘅係司徒夾帶,話佢被肥媽、阿叻寸到冇得還擊,不過司徒夾帶就話:「其實同阿叻氣氛係好好,不過被剪哂,肥媽成場鬧緊第二個㗎,但出嚟又好似鬧我哋咁。」

網上圖片

網上圖片

Kibi因財飛甩 Bomba

《網絡挑機》播咗一星期,除咗司徒夾帶、伍公子被鬧爆外,夠搶鏡嘅係 Kibi,不過上咗大台叫做明星啦, Kibi(原為 Bomba成員)亦被網友翻舊帳,指佢因為拍廣告唔肯分錢俾拍檔。本刊嘗試聯絡 Kibi,但佢就去咗外國拍節目,一個月後先返,未能回應。

人紅新聞多,連 Kibi同 Bomba拆夥嘅事,高登都討論,仲緊張過大台啲劇集。 網上圖片

網上圖片

Kibi醜男上位,原本同 Bomba拍過唔少片,其中《音樂故事》有超過 200萬點擊,可惜之後拆夥,現同伍公子、薑檸樂同一經理人。 網上圖片

採訪、撰文:娛樂組

攝影:攝影組


鍾意就快D Share啦!