網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月9日 星期三

自知之明 塌鼻未整好 𢱑Job爛做 韓君婷:唔想嚇親觀眾 [FACE - 446] __,韓君婷,MF,

【5/12】上週六韓君婷再次為apm做公開活動,提到塌鼻,韓君婷表示已經醫緊,唔想嚇親觀眾咁話喎!真面目自知之明 塌鼻未整好 𢱑Job爛做 韓君婷:唔想嚇親觀眾97年亞姐冠軍出身嘅韓君婷,原本係靚女一名,可惜多年來暴肥又暴瘦,半年前由新加坡回流返港時又自爆仆爆鼻而變歪,「好貴呀,我覺得又冇任何影響,所以冇做到手術。」有頭髮邊個想做癩痢,據知韓君婷近日心急搵工開,除應付生活開支,更想盡快做鼻型手術。 ...


【 5/12】

上週六韓君婷再次為 apm做公開活動,提到塌鼻,韓君婷表示已經醫緊,唔想嚇親觀眾咁話喎!

真面目

自知之明 塌鼻未整好 𢱑Job爛做 韓君婷:唔想嚇親觀眾

97年亞姐冠軍出身嘅韓君婷,原本係靚女一名,可惜多年來暴肥又暴瘦,半年前由新加坡回流返港時又自爆仆爆鼻而變歪,「好貴呀,我覺得又冇任何影響,所以冇做到手術。」

有頭髮邊個想做癩痢,據知韓君婷近日心急搵工開,除應付生活開支,更想盡快做鼻型手術。上週六( 5日)韓君婷出席活動時表示已跟商場簽包薪合約做商演,至於塌鼻亦已逐步醫緊,「逐步做緊,唔想嚇親觀眾。」

已經 40歲的亞姐韓君婷,半年前由新加坡回流返港後,塌鼻一直成為焦點。「之前整親個鼻,其實逐步做緊,你哋漸漸會見到有 improvement(進步),慢慢少少咁,希望唔好嚇親啲觀眾。」當日所見,韓君婷歪鼻仍然嚴重。

今年 7月,韓君婷出席活動時主動提到在新加坡仆歪鼻,至上星期出席活動仍未做手術。

去年韓君婷未正式回流,已經密密與 apm商場有合作。 《蘋果日報》圖片

千呎屋變上水屋

離港前,韓君婷租住羅便臣道千呎單位;回港後,韓君婷月花九千租住上水三百多呎私人屋苑,生活變得踏實,加上要搵錢,韓君婷返港後一直四圍放風搵工開。

近月已多次為 apm商場做嘉賓的韓君婷,據知已與商場簽定每月 4萬的包薪合約,韓君婷亦直認有合作:「好多時工作都會同商場或者公司有特別嘅 package包俾我哋,我覺得我同佢哋嗰個關係係點,無所謂嘅!最緊要就係我哋大家合作得開心。」

【周街扯煙】

上週六( 5日)韓君婷出席完活動後,換回便服即行出商場扯煙,煙癮甚大。

【搭港鐵】

與家人晚飯後,韓君婷一支公坐港鐵返上水寓所。

難得韓媽媽(左一)和哥哥來港,韓君婷做完活動後即在做騷商場行街食飯。

撈埋 YouTuber

其實韓君婷半年前返港,已馬上出席亞視員工「 A記同學會」晚宴,一方面聚舊,另一方面為𢱑撈鋪路。「工作方面已經傾緊,我應該會返嚟主持吓節目、或者拍吓劇集、電影,但係未 confirm到時間各樣嘢;過咗聖誕或者新年就會有一個新開始。」

原來韓君婷除了返回幕前,甚至想做埋 YouTuber。「 YouTube Channel我想做好耐,我遲遲都未做到因為我諗住搬咗新屋之後先至砌好個位。」

做咩都好,韓君婷都係整番靚個鼻先再講

韓君婷哥哥(右二)來港為公事開會,適逢聖誕節即帶埋老婆仔女放大假,一家團聚。

韓君婷現以 9千蚊月租上水名都,以前住慣港島區,難免會唔慣想搬屋

《蘋果日報》圖片

百變 10年

中意混血兒韓君婷, 97年參選亞姐奪冠。曾經在亞視和大台都拍過劇和做過主持,又拍過電影,古天樂和陳冠希都同佢做過對手戲;其多變身形亦一直係焦點。

【 01年  fit到漏】

離開亞視後,韓君婷開始拍電影,更與古天樂和劉德華合作過《百年好合》和《愛君如夢》,完美身形更是有讚無彈。

《蘋果日報》圖片

【 02年 變巨躉】

可能拍電影太悠閒,韓君婷突然暴肥,雖擁有 36C豐滿上圍,不過 160磅加 40吋下圍更有話題。

《蘋果日報》圖片

【 06年 厭食症】

05年拍完大台最後一套劇《甜孫爺爺》後,與同性友人陳早茵情海翻波的韓君婷,突然變火柴人,自爆患上厭食症,瘦到得番 80磅。

採訪、撰文:娛樂組

攝影:楊學


鍾意就快D Share啦!