探熱針
JW男友外公 娶過關之琳
由黎明一手發掘的歌手 JW（王灝兒），去年飛甩舊主，轉投 Sunny Idea後，最近憑新歌《矛盾一生》人氣急升。事業有轉機，愛情更得意， JW有米圈外男友 Mark Ngai的外公，原來是王國旌（ Chris Wong）。 1981年同關之琳在拉斯維加斯閃婚曾轟動一時；公孫口味一致，同樣鍾情娛圈人。
無條件解約
入行頭兩年仍在英國讀大學的 JW王灝兒，一三年才正式入行，甩開黎明後，全力搏殺終有起色。
「佢簽咗 A Music十年，初入行 JW要英國、香港兩邊走，後來 Leon又好少理公司嘅嘢，搞到唔上唔落，見 Janice（衞蘭）同 JM（文詠珊）都走， JW同屋企人商量過後，決定提早五年解約，好彩佢爹哋同 Leon識咗好耐，所以傾過吓就無條件解到約。」知情者說。
劈入東涌
上週六（十二月十二日）， JW為「沙田節日燈飾亮燈晚會」做完表演嘉賓後，先在銅鑼灣放低助手，再踩入機場亞洲博覽館，會合早已入場睇《 Major Lazer, Jack U+More》的男友 Mark及其他朋友，十一點半完騷後， JW與 Mark及一行人行去閘口，對沿路被人要求合照，來者不拒；等車期間， JW與女友人傾偈， Mark則坐欄杆吸煙，未有避忌。
男友來頭不小
Mark來頭亦唔簡單，外公是富商王國旌，是關之琳第一任丈夫，媽咪 Jannine與四洲太子女戴凱欣（ Kennis）是生意拍檔，二人於中環開餐廳 Room 28，生活圈子非富則貴。「 Mark唔係好講屋企嘢，只知佢外公係 Chris Wong，佢媽咪同好多圈內人都好熟， Mark好多時都會喺 Room 28幫手， JW都會去嗰度食飯。」知情者說。
同樣係蒲精
JW與 Mark已拍拖兩年，兩人同聲同氣，十分登對。
「佢兩個喺夜場識嘅，大家都係蒲精，一樣鍾意音樂，有共同話題，所以一拍即合。身邊朋友初時以為佢哋玩玩吓，點知一拍兩年； Mark同 JW屋企環境都唔錯，但最吸引 Mark係 JW冇公主病，加上 auntie Jannine（ Mark媽咪）同佢，仲有佢個做律師嘅細妹 Joyce都相處得幾好，所以大家都覺得佢兩個應該結到婚。」知情者透露。
JW與 Mark志趣相投，愛音樂愛夜蒲，很多時會結伴外遊，加上朋友圈相近，所以感情很好。
70歲再婚
現為金融公司老闆的王國旌，家世顯赫，祖父王啟宇是第一代上海紗廠富商，堂妹王培琪是前香港商務及經濟發展局局長馬時亨太太。現年 71歲的王國旌有過多段婚姻，與 Mark的外婆離異後，最轟動是 81年剛離婚回復單身的他，與當時僅得 19歲的大美人關之琳一見鍾情，認識兩個月後在美國拉斯維加斯閃婚，但這段婚姻只維持了九個月便告終。去年， 70歲的王國旌再在美國迎娶年約 40多歲的女友，人老心不老。
現任太太
去年七月， 70歲的 Chris與拍拖多年的女友在美國結婚。
撰文、攝影、攝錄：娛樂組
|
鍾意就快D Share啦！
|
|
|
