城城認愛了!佢入行咁多年，雖然緋聞女友眾多，但今次係首次認女友!今日一眾「舊城嫂」都表示鬆一口氣，送上祝福!
問到王秀琳(Mango)當日都有坐城城車，但俾人影到跳車城城冇出手救，佢就話:「大家唔好再諗到件事咁複雜，過左去咁耐仲提，城城好有義氣，如果當初個位佢落到車，相信佢一定會落車救我，但嗰度係單程路，又係我屋企，其實我係要返屋企，都唔使城城救，我同城城由始至終都係朋友咁簡單。」講到城城上載新女友相係揸住車拖手，佢就話:「好戥佢開心，身邊所有朋友幸福我都開心。」
曾同城城傳緋聞嘅許雅婷(Kabby)就笑言終於甩難:「哈哈哈，新城嫂出嚟啦，佢哋俊男美女，外型好襯，希望城城快有好消息，快啲請飲，恭喜晒。」
至於新．正印城嫂方媛，就半夜喺微博回應城城嘅微博話:「嗯！慢 ～慢～開」仲加咗兩個心，真係隔住個mon都feel到嗲，但係好多舊城嫂熊黛林嘅粉絲就去方媛微博踩場，寸爆佢，而傳就嚟結婚嘅熊黛林就暫時未有回應。
|
鍾意就快D Share啦！
|
|
|