掃呢頁CODE去手機

2015年12月2日 星期三

有骨氣 拒住老婆屋  Philip月租四萬新竇收埋杏兒 [FACE - 445] __,杏兒,胡杏兒,MF,

上週六(28日)杏兒出席喜餅活動時笑容滿面,梗係,有喜餅贊助,又幫老公慳返筆!真面目有骨氣 拒住老婆屋 Philip月租四萬新竇收埋杏兒胡杏兒曾表示,未來老公嘅要求要高過佢,又要大過佢,最好可以成熟小小,至於靚唔靚仔,就見仁見智嘅啫,感覺最重要。胡杏兒如願以償,本月28日將嫁俾42歲嘅金融才俊李乘德(Philip),可喜可賀。有指杏兒貼錢嫁Philip,老公面子要緊,Philip近日已搬往月租4萬 ...


上週六( 28日)杏兒出席喜餅活動時笑容滿面,梗係,有喜餅贊助,又幫老公慳返筆!

真面目

有骨氣 拒住老婆屋  Philip月租四萬新竇收埋杏兒

胡杏兒曾表示,未來老公嘅要求要高過佢,又要大過佢,最好可以成熟小小,至於靚唔靚仔,就見仁見智嘅啫,感覺最重要。胡杏兒如願以償,本月 28日將嫁俾 42歲嘅金融才俊李乘德( Philip),可喜可賀。有指杏兒貼錢嫁 Philip,老公面子要緊, Philip近日已搬往月租 4萬的過千呎大戶,待杏兒正式嫁入李家後,便可兩手 fing fing入住。咪再話 Philip使杏兒錢喇!

雖然拍拖只有一年,但 36歲胡杏兒一直等嫁。月前男友李乘德( Philip)送上電飯煲和 3卡鑽戒求婚,杏兒一口答應,更火速訂酒席準備婚禮趕嫁。

婚後租樓住

與杏兒拍拖後, Philip被指其實虛有其表,不單夜場 Play只得兩成股權,而且無車無樓,只屬高薪打工仔,拍拖三個月後更搬埋入杏兒赫德傑山豪宅共賦同居,不過杏兒為愛郎咩都無所謂,「很多人首要條件係經濟能力,佢冇錢唔緊要,我有。」

查實 Philip身為「圍村仔」,爛船都有三斤釘。月前 Philip已搬離尖沙咀的服務式住宅,以月租四萬租住 1120呎,奧運站的浪澄灣為新竇。「 Philip打算同杏兒結婚時已有買樓打算,不過一直未係好時機,但係結婚在即,又唔想再住杏兒間屋俾人閒言閒語,咪決定租住先, timing到即買。」知情人士說。

上月初 Philip為杏兒搞生日會,雖然唔係咩貴場地,不過生日禮物係隻 4卡藍寶石戒指,都唔少嘢! 網上圖片

上週六( 28日)杏兒出席喜餅活動時笑容滿面,隨後又在微博晒過大禮物,又幫老公慳返筆,巧叻叻! 網上圖片

早前杏兒花 7位數字開婚紗店,據知都係杏兒私己錢, Philip完全冇份。 《蘋果日報》圖片

老公出身家

Philip雖然搵錢能力未及杏兒,不過新屋裝修、佈置全部一手一腳自己搞,據知新屋未算豪裝,但傢俬、少量裝修都花費近 20萬,加上 3卡求婚戒指, 4卡藍寶石戒指生日禮物, 50圍 Ritz Carlton酒席,加上早前去比利時影婚紗相,搞生日會等等, Philip至今已花過二百萬在杏兒身上。

其實搵到 Mr. Right,屬圈中小富婆的杏兒又點會介意老公有冇錢,最緊要兩情相悅啫!

為未來,杏兒婚前仍然要做空中飛人,幸好未來老爺奶奶,仲有老公都好體諒! 網上圖片

本月 28日於 Ritz Carlton豪擺 50圍,杏兒話百萬埋單 Philip負責找數。 網上圖片

拒住老婆屋

《蘋果日報》圖片

【老公租浪澄灣】

今年 9月, Philip為咗婚後唔想俾人話住老婆屋,專登以 4萬租住奧運站浪澄灣千一呎單位。

【老婆擁赫德傑山】

08年胡杏兒與黃宗澤分手後即以 1,600萬買入赫德傑山千七呎雙連單位,一直與家姐同住。

女富男窮一樣得

【富二代郭可盈】

04年林文龍喺尖沙咀洲際酒店娶郭可盈,郭可盈屋企做塑膠廠起家,家族生意有幾個億,而二人結婚後,向來投資有道嘅郭可盈向老公教路,令林文龍在投資方面常有斬獲。

【視后蔡少芬】

08年內地演員張晉於香港浸信會神學院與蔡少芬結婚,雖然蔡少芬剛出道時要為母親還賭債而要密密做,不過 06年後 Ada主打大陸市場狂賺人仔成小富婆,而婚後的張晉亦獲演出機會打出名堂。

【花旦郭羨妮】

11年內地武指朱少杰與郭羨妮在關島舉行婚禮,雖然郭羨妮係港姐冠軍又係當紅花旦,不過無嫌棄過朱少杰。婚後朱少杰因老婆而得到較多工作機會,夠養起老婆和 3歲囡囡 Kylie。

採訪、撰文:娛樂組

攝影:林迅景

鍾意就快D Share啦!