網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月2日 星期三

Tree根偷懶輸區選 「港豬」徐子見挑機成功:老人家都有要求! [FACE - 445] __,徐子見,MF,

原本想喺鍾樹根辦事處門口影相,不過徐子見話唔好,費事2百人抹黑佢。點會呢?爆Like王Tree根偷懶輸區選 「港豬」徐子見挑機成功:老人家都有要求!雨傘運動後第⼀次區選,巴打除咗記得落敗嘅遊蕙禎,另一焦點⼀定係喺柴灣漁灣邨選區擊敗Tree根嘅48歲政治素⼈徐子見。漁灣邨為⽼人區,一向係民建聯主場,鍾樹根係呢度派足21年蛇齋餅糉,竟然被⼀啲政績都冇嘅新丁擊敗,tree根懶佔中累事,不過徐⼦見就話:「 ...


原本想喺鍾樹根辦事處門口影相,不過徐子見話唔好,費事 2百人抹黑佢。點會呢?

爆 Like王

Tree根偷懶輸區選 「港豬」徐子見挑機成功:老人家都有要求!

雨傘運動後第⼀次區選,巴打除咗記得落敗嘅遊蕙禎,另一焦點⼀定係喺柴灣漁灣邨選區擊敗 Tree根嘅48歲政治素⼈徐子見。

漁灣邨為⽼人區,一向係民建聯主場,鍾樹根係呢度派足 21年蛇齋餅糉,竟然被⼀啲政績都冇嘅新丁擊敗, tree根懶佔中累事,不過徐⼦見就話:「佢嘅辦事處只開 5⽇,每⽇只開 5個鐘,啲老⼈家想搵⼈幫都冇,淨係派蛇齋餅糭唔夠㗎,⽼人家都有要求㗎!」 tree根原來輸懶,真係 shame on you囉!

F:《 FACE》 徐:徐子見

F: 48歲做⽪袋出⼊口商人,因咩事就去選區議員?

唔少漁灣邨居民,都話好難搵到 Tree根,辦事處每日開 5個鐘,佢亦唔係日日嚟,真係幾難搵到喎! 《蘋果日報》圖片

徐:坦⽩講係上年 928事件,因為有啲畫⾯⾃己記得好清楚,當見到啲後生仔好傷⼼呀,好頹喪坐喺度啲畫⾯,好印喺我腦裏面,有時會問一問⾃己,我係⼀個 48歲嘅人,我會問點解會有呢個畫⾯喺⾹港出現呢?我⾃己都有個仔今年 17歲,感受會好強烈嘅,我會反思,得出嘅⼀個結論係,我呢代四、五⼗歲,當⽇冇去做⼀啲事情,導致今⽇啲後⽣仔要承受呢啲結果。我最後⼀刻先決定參選,係因為⾒到區議會就快截止,有 106個⼈會⾃動當選,我會諗點解香港經歷過雨傘⾰命,仲有咁多⼈⾃動當選,大家都知多數係建制派演員,有壟斷就⼀定唔好㗎喇,所以同朋友傾傾下,不如⾃己試下

F: Tree根喺柴灣漁灣邨咁多年,你點解有信⼼去贏佢?

原本想喺鍾樹根辦事處門口影相,不過徐子見話唔好,費事 2百人抹黑佢。點會呢?

徐:我諗住輸嚟做囉,當時冇諗過輸贏呢個因素,就算輸都要⾛出嚟,我希望傳遞嘅訊息係⼩市民係咪可以做多啲嘢呢?係咪只得靜坐呢,只係出嚟嗌幾句口號就算呢?因為𠵱家政府做咗好多奇怪嘅事,好唔多唔合理嘅事就想合理化,但⾹港小市民係咪任由宰割呢?大家有⼼有能力嘅係咪可以行多步呢?我去選就係希望傳遞呢個信息。

F:點解居民投票俾你,⽽唔投票俾 Tree根呢?

徐:你可以睇返鍾議員個辦事處個開⼯時間呢,幾神奇㗎,佢哋下晝兩點開,收夜晚七點,開 5⽇,星期六、⽇係休息,即係每星期開會 25個鐘,我覺得區議員嚟講幾奇怪囉,點解星期六、日都唔開㗎呢?夜晚七點其實好多市民都未放⼯,我覺得啲居民想搵個議員幫手,而佢哋搵唔到,所以佢哋求變嘅⼼係好強,所以點解我呢個政治素⼈,冇政績嘅,都可以贏到就係咁解喇。

F:民建聯⽤過咩「嗱喳招」對付你?

徐:佢哋成日都挑釁囉,好似我平時擺開樂軒台⼀個街站拉票,我擺⾜咗三個星期,有一朝,我擺低咗個箍⾏開咗,因為要返去攞枱,到我返嚟嗰陣,反而佢張枱已經霸咗我個位,我就同佢哋助理講;⼩姐呢度我申請咗,但佢哋話都申請咗,咁我話好,大家⼀⿑擺啦,點知佢報警,跟住連埋差⼈一⿑睇圖則,先發現原來佢哋個位根本唔係度,於是佢哋就搬走。我感覺佢哋有啲污糟啦,坦⽩講⼀個廿幾年嘅議員,求其搵⼗件功績出嚟,我已經輸㗎喇!啲選民⼀見到就知投邊個,但事實係佢唔⽤呢個⽅法,反而不停咁抹⿊我。

F:你以前都係咁熱⼼政治?

徐:我哋呢個年紀都係對六四有啲情意結啦,但係 7.1遊⾏都係去過⼀兩次㗎咋,我絕對唔係熱⾎、好參與政治嘅⼈,我完全唔係㗎,我絕對係一隻港豬!

F:驚唔驚 4年後 tree根返嚟挑機?

鍾樹根落選區議會翌日,過百網民自發到其辦事處開香檳慶祝,就知 Tree根人緣幾「好」 《蘋果日報》圖片

徐:唔驚,絕對歡迎係好事嚟,有競爭有進步嘛,佢派多啲蛇齋餅糉,我仲覺得開⼼,我派唔到起碼老人家有得收,我唔介意,對⽼人家係好事。

攝影:楊學

鍾意就快D Share啦!