掃呢頁CODE去手機

2016年1月13日 星期三

唔斷氣 《愛.回家》 1,000集收檔 馬壯全家輪迴亂入新處境劇 [FACE - 451] 愛.回家,MF,

黎諾懿現為《ICAC2016》同《愛•回家》開工,馬家全面comeback,不過劇中女友朱慧敏,巢已離好難有得再出現。《蘋果日報》圖片真面目唔斷氣 《愛.回家》1,000集收檔 馬壯全家輪迴亂入新處境劇《愛•回家》第二輯播咗超過100集,收視唔掂,要馬家comeback救亡,雖然未全面回歸,但馬家回家消息一出,即令網友重燃追睇嘅熱情,據知《愛•回家》播到1000集就會玩完,但大台高層終留意到呢班馬 ...


黎諾懿現為《 ICAC 2016》同《愛•回家》開工,馬家全面 come back,不過劇中女友朱慧敏,巢已離好難有得再出現。《蘋果日報》圖片

真面目

唔斷氣 《愛.回家》 1,000集收檔 馬壯全家輪迴亂入新處境劇

《愛•回家》第二輯播咗超過 100集,收視唔掂,要馬家 come back救亡,雖然未全面回歸,但馬家回家消息一出,即令網友重燃追睇嘅熱情,據知《愛•回家》播到 1000集就會玩完,但大台高層終留意到呢班馬家嘅威力,於是決定三月開新處境劇時,即使由黎耀祥、毛舜筠、陳國邦孭飛,但都預馬家成員參與,實行換個名又再見面,好似投胎轉世一樣,同一班人無限 loop囉!

第二輯《愛•回家》原本踢走馬家,諗住捧張振朗、坤哥等人上位,可惜收視未如理想,最慘師奶同巴打只想睇馬家,令第二輯口碑都仆直,惟有上月底開始揾番馬家回巢救亡,收視未知點,但起碼巴打重新關注。不過據知《愛•回家》 1000集(只餘 60幾集)就再見,新處境劇亦度緊劇本。

曹總回歸

新處境劇暫以《畢打自己人》做藍本,主角為黎耀祥、毛舜筠、陳國邦等,但大台高層今次見到馬家喺處境劇嘅威力,決定再借馬家幫手,當然唔係馬家人物原名過底到新劇,而係將黎諾懿,劉丹、林漪娸、郭少芸等,以另一角色出現喺新劇,等《愛•回家》觀眾因為呢班馬家演員而 Keep住睇新劇。

現忙《 ICAC 2016》嘅黎諾懿話:「暫時未收到通知,因為呢輯《愛•回家》都要拍到 3月,一星期都要開三日工,我諗大概 1000集就完喇!其實律師樓嘅嚴謹呀,網友最 like嘅曹總都會返嚟㗎,但我同朱慧敏嗰段就未見到,大家繼續留意啦。」又係呢班演員玩晒,不如溝埋做《回家打自己人》

陳國邦回歸大台,即被安排拍新處境劇,不過鋒頭可能被輪迴馬家搶過。(網上圖片)

預計 3月開拍嘅新處境劇,以《畢打自己人》作藍本,主角係祥仔同毛姐,點都有一定捧場客。(網上圖片)

據知馬家有一半成員,會以新角色出現喺新處境劇,但徐榮、蔣家旻、羅天宇就暫時冇份喇,不過大台要你出現,其實都好易啫。(網上圖片)

《愛•回家》令黎諾懿成為男一,家陣喺《 ICAC 2016》都係男一,拍住同劇有唐詩詠、姚子羚。(網上圖片)

黎諾懿忙緊兩套劇,但一有空檔都會陪老婆行山,咁好仔,唔怪得咁多師奶鍾意。(網上圖片)

曹總再現

除咗馬家外,網友最想睇嘅係曹總(劉一飛),黎諾懿透露曹總會喺《愛.回家》再出現,巴打留意。(網上圖片)

嚴謹歸位

除馬家外,馬壯律師樓嘅兄弟一會係 1000集前陸續歸位,即係嚴謹、霞姐再現身喇。(網上圖片)

衰啲乜?

《愛.回家》第二輯冇人睇,原因一個字:悶!雖然有黃翠如、張繼聰打頭陣,不過劇情真係就算連師奶都頂唔順,而且想捧嘅新一代張振朗同何君誠又未入屋,冇人睇冇人講是常識吧!

未入屋

對師奶嚟講,張振朗只係扮張智霖好似嗰個,何君誠直頭不知他是誰,叫人點睇啫?(網上圖片)

常出現

《愛 2》最初由翠如同張繼聰孭飛,可惜當時二人日見夜見,睇到悶。(網上圖片)

太難頂

馬海倫係處境劇鐵膽,不過劇情講佢同李楓日日為咗張振朗拍拖鬧事端,最後又係麥包解圍,劇情兩句已經寫完,悶到呢!(網上圖片)

採訪、撰文:娛樂組


鍾意就快D Share啦!