網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月7日 星期四

贏完獎再贏人心 胡定欣任舞 [壹週刊 - 1348] __,定欣,胡定欣,M1,

拍早班,胡定欣一早六點返到公司化妝,之後隨劇組到大角咀為新劇《一屋老友記》開工。娛樂偵訊贏完獎再贏人心 胡定欣任舞因為打破一線花旦專利,越級做視后,胡定欣惹來眾阿姐群起不滿,要證明自己實至名歸,講多無謂,行動最實際。上週二(29/12),出席完好姊妹胡杏兒婚禮翌日一早,胡定欣埋位為新劇《一屋老友記》趕工,劇中飾演水電工人的她,吊威吔爬外牆,堅持親自上陣,好賣力!博取人心胡定欣用了十四年時間,由女配 ...


拍早班,胡定欣一早六點返到公司化妝,之後隨劇組到大角咀為新劇《一屋老友記》開工。

娛樂偵訊

贏完獎再贏人心 胡定欣任舞

因為打破一線花旦專利,越級做視后,胡定欣惹來眾阿姐群起不滿,要證明自己實至名歸,講多無謂,行動最實際。上週二( 29/12),出席完好姊妹胡杏兒婚禮翌日一早,胡定欣埋位為新劇《一屋老友記》趕工,劇中飾演水電工人的她,吊威吔爬外牆,堅持親自上陣,好賣力!

博取人心

胡定欣用了十四年時間,由女配角升呢女主角,被讚有演技的她,今年越級打敗汪阿姐、楊怡等勁敵榮升視后,惹來公司以獎氹續約是非;工作已排到明年六月的胡定欣「扮冇事」,專注為新劇《一屋老友記》趕工外,更變得比以往識做,贏完獎再博取人心。

「以前定欣開工拍劇有時都會發吓脾氣同諸多要求,但唔知係咪做咗視后心情特別靚,最近開工有早冇遲,又萬歲請大家食糖水,成個寬容晒,識做咗好多!」一名劇組工作人員說。

佩戴威吔裝備前,胡定欣先從四樓單位內視察高度, OK,冇難度!

在滿布灰塵的外牆擒上擒落,胡定欣兩隻手都污糟晒!

擒到冇支撐點的地方,胡定欣要靠自己的腰力和手力,完成動作。

親自上陣

上週二(十二月二十九日)清早八點,胡定欣現身大角咀,為劇集《一屋老友記》拍外景;一身水電工人造型的她,在動作指導協助下,綁好威吔,吊到有四層樓高的外牆,在完全沒有支撐點的情況下,胡定欣要靠腰力撐住。

上上落落吊足一粒鐘,搞到雙手污糟晒,其間劇組人員怕她太辛苦提議先休息一會,但胡定欣堅持繼續。

「其實場戲可以用替身做晒,但定欣同導演講話想試吓,又話自己做慣運動,可以應付到,咁演員肯親自上陣,導演當然仲開心」劇組工作人員說。

開工前一日,胡定欣孖住「胡說八道會」為杏兒擔任姊妹團。

34歲胡定欣憑《鬼同你 OT》姜蓉一角奪得今屆視后。

早前胡定欣與歐陽震華以古靈精怪造型,為劇集巡禮拍宣傳片。

撰文、攝影、攝錄:娛樂組


鍾意就快D Share啦!