掃呢頁CODE去手機

2016年1月13日 星期三

有價講 '16約滿 大台出招 馬明《使徒 2》壓陳展鵬誘續約 [FACE - 451] 馬明,TVB,大台,陳展鵬,陳展,MF,馬國明

馬明去年休息咗大半年,今年即有機會做《使徒2》,兩位劇入面係好拍檔,但亦有可能係今年爭視帝嘅對象喎!(網上圖片)真面目有價講 '16約滿 大台出招 馬明《使徒2》壓陳展鵬誘續約41歲馬明一直甚有觀眾緣,可惜多年來的頒獎禮都係陪坐,去年拍落嘅《流氓皇帝》仲一度被雪冇出土機會,不過馬明終於等到機會喇。將於今年約滿嘅馬明,在今時今日冇小生嘅情況下當然有得揀!雖然馬明唔多受珍姐重用,但另一巨頭余詠珊早前卻 ...


馬明去年休息咗大半年,今年即有機會做《使徒 2》,兩位劇入面係好拍檔,但亦有可能係今年爭視帝嘅對象喎!(網上圖片)

真面目

有價講 '16約滿 大台出招 馬明《使徒 2》壓陳展鵬誘續約

41歲馬明一直甚有觀眾緣,可惜多年來的頒獎禮都係陪坐,去年拍落嘅《流氓皇帝》仲一度被雪冇出土機會,不過馬明終於等到機會喇。將於今年約滿嘅馬明,在今時今日冇小生嘅情況下當然有得揀!

雖然馬明唔多受珍姐重用,但另一巨頭余詠珊早前卻點名要力捧,如今馬明約滿在即,余詠珊即刻安排佢頂替林峯做《使徒行者 2》男一,最威係壓住「最受歡迎電視男角色」嘅陳展鵬,今鋪仲唔威番次?

翻生出街

有指《流氓皇帝》被抽起冇得播,據知主題曲已安排鄭世豪主唱,隨時出得街,翻生有望!

向來甚有觀眾緣的馬國明,加入大台 16年,由路人甲做到男一,稱得上任勞任怨,可惜多年來都只在頒獎禮上陪坐食白果。

續集等足一年

14年的《使徒行者》叫好叫座,更在多個電視台獲得獎項,大台一直想開拍第二集,不過林峯離巢,佘詩曼又遲遲無期,男一、女一位置一直懸空。等足一年,大台終決定換過班底拍續集。

「戲劇組雖然係珍姐睇,不過余詠珊近年不斷擺自己人入去,今次佢仲同監製葉鎮輝點名要馬明做男一,雖然煎 pang(陳展鵬)都係男主角,不過都要俾馬明壓住做男二咋!」知情人說。

14年《使徒行者》收視好得,加上三哥、佘詩曼和林峯呢個組合,好難再出現囉!峯哥連電影版都唔拍,邊會同大台拍呀!(網上圖片)

馬明最近忙拍《廉政行動 2016》,又係同陳展鵬拍住上!(網上圖片)

《 Do姐去 Shopping》入面,繼續扮乖仔,氹得 Do姐好開心!(電視畫面)

余詠珊招手

早年馬明在大台得梁家樹和樂易玲睇住,《回到三國》、《 On Call36小時》、《律政新人王》等,飾演角色都形象正面又入屋,但梁家樹離職,加上樂小姐過檔邵氏後,馬明即變孤兒仔,去年拍的《流氓皇帝》更一度被雪藏冇得出街!

余詠珊加入大台 3年,一直想捧自己人上一線做小生、花旦,可惜洪永城、黃翠如形象雖然入屋,但上一線始終還有一段距離,余詠珊決定向聽教聽話的馬明埋手。據知去年已有電影公司向從來唔鍾意埋堆的馬明招手,慘變孤兒仔的馬明亦有意約滿離巢,如今被余詠珊睇中,《流氓皇帝》又被安排盡快出街,搞咁多嘢都係想利誘馬明續約兼效忠,珊姐高手呀!

《巨輪 2》繼續由陳展鵬、蕭正楠和田蕊妮擔正,其餘一律用新人,又係煎 pang發揮好時機。(網上圖片)

《城寨英雄》入面有個好打得嘅伍允龍,據知陳展鵬在劇中被伍允龍打到成身傷晒!(網上圖片)

《使徒 2》冇咗阿佘,不過電影版就繼續擔正,仲有古天樂、張家輝同吳鎮宇三星拱照。

舊將救收視

幾時都話新不如舊。早前大台翻播《大時代》,大把人唔瞓都要追睇。仲有,黃秋生、苗僑偉回歸拍劇,收視確係唔同啲!為保收視,大台 16年亦向一眾舊演員招手,你又期待睇佢哋嘅演出嗎?

鄧萃雯

余詠珊愛將、月前升職為助理總經理嘅杜之克出面搵雯女回歸,仲講明幫佢度身訂做劇集《不懂撒嬌的女人最苦命》,聽個名就知係雯女戲路。

元華

余詠珊早前出面傾元華回巢拍劇,據知元華已初步答應,而大台亦為元華準備新劇本。

廖啟智

早前為港視拍《選戰》令智叔人氣再急升,大台當然無放過機會,即邀請智叔與方中信回歸拍《律政強人》,智叔仲提點大台:「希望劇本唔好太集中一條線,可以有多啲分支」。識做

採訪、撰文:娛樂組


鍾意就快D Share啦!