熱爆娛樂: 有市場　離婚後新歡再生 2子　 35歲劉鳴煒狂操 body引港女 [FACE

2016年1月13日星期三

有市場　離婚後新歡再生 2子　 35歲劉鳴煒狂操 body引港女 [FACE - 451] 鳴煒,MF,劉鳴煒

上週三（ 6日），劉鳴煒獨自現身於銅鑼灣鬧市散步，期間一直沒有保鑣護駕，加上一身簡樸西裝打扮，與普通市民沒有分別。

真面目

有市場　離婚後新歡再生 2子　 35歲劉鳴煒狂操 body引港女

近期熱門港男，除坤哥吳業坤之外，必定是大劉劉鑾雄大仔劉鳴煒，最近他在港台節目《我係乜乜乜》獲一班港女轉軚垂青，完勝對手游學修，成為城中筍男。

貴為華人置業主席的劉鳴煒，雖然有家底亦有學歷，但生活平民化，連前妻 Wendy甚至離婚後幫他生了兩子的前度女友都是平民出身。有指筍男最近再與長髮女子拍拖封盤。富二代唔炫富，加上熱愛運動、操得一身巨肌 man爆，港女唔流口水就假

最近港台節目《我係乜乜乜》中，劉鑾雄大仔劉鳴煒，獲一班港女轉軚挨向他身邊，完全擊敗對手游學修的一幕，令大家對他留下深刻印象。

單拖行老銅

現年 35歲的劉鳴煒，曾先後取得英國倫敦大學國王學院法律學士學位及倫敦政治經濟學院法律碩士學位，雖然學歷高又有家底，但一直愛低調唔鍾意炫富。周不時被目擊坐地鐵的他，除生活平民化，連揀對象都係愈普通愈好，由首任幫他生了一對龍鳳胎的妻子 Wendy、至幫他生了兩名兒子的前度女友，全部均屬樣貌平凡的平凡女子。最近呢個筍盤又再傳出搵到一名長髮的專業人士做女友。

上週三（ 6日），《 FACE》發現劉鳴煒只坐着價值 30萬的萬事得 7人房車去銅鑼灣，去到怡東酒店附近，便一個人下車，雖然劉鳴煒身驕肉貴，但期間並沒有保鑣跟身，一直一個人在銅鑼灣鬧市穿插，跟普通西裝男行街沒有分別。

揸 30萬平車

富二代唔炫富，沒有明星女友，更沒有名車代步。《 FACE》所見，劉鳴煒出入也只駕價值約 30萬的萬事得 7人房車代步，最緊要平實。

《我係乜乜乜》節目中，港女一見到劉鳴煒真身；原來又高又靚仔，即轉軚冧劉鳴煒，被鬧爆超現實。（電視畫面）

馬拉松三鐵瓣瓣掂

劉鳴煒有錢得來又平實，而且還是一名運動健將，跆拳道、游水、踩單車，甚至跑步樣樣精，近年更挑戰自己，參加馬拉松和三項鐵人賽。

劉鳴煒雖然要打理華人置業業務，又要照顧前妻及前度女友所生的 4個小朋友，但亦不忘每週起碼抽 6至 7小時做運動，鍛練意志之餘亦鍛練身體，由以往 baby fat身形練出一副 man爆肌肉，真係冧死港女㗎！