網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月13日 星期三

金融人挑機珍妮曲奇 唔攻大媽月賺2球 __,珍妮曲奇,Jenny Bakery,

講到曲奇,不少人第一個反應:乜又係你啊珍妮曲奇。事關本刊之前都講過幾次,珍妮好受強國客歡迎,日賣六千罐,年度生意額高達兩億,咁和味唔少人都想有樣學樣。近日市場又有一新挑戰者,它不是熊仔,而是兔仔,叫「Mr.RichBakery」,特點是其口感牛油味,入口令人想起珍妮,更加殺入Sogo、Apita等超市售賣。兔仔曲奇負責人Hugo聲言,無參考珍妮。曲奇除了牛油和咖啡味外,還有Latte、杏仁、朱古力 ...




講到曲奇,不少人第一個反應:乜又係你啊珍妮曲奇。事關本刊之前都講過幾次,珍妮好受強國客歡迎,日賣六千罐,年度生意額高達兩億,咁和味唔少人都想有樣學樣。近日市場又有一新挑戰者,它不是熊仔,而是兔仔,叫「Mr. Rich Bakery」,特點是其口感牛油味,入口令人想起珍妮,更加殺入Sogo、Apita等超市售賣。

兔仔曲奇負責人Hugo聲言,無參考珍妮。曲奇除了牛油和咖啡味外,還有Latte、杏仁、朱古力棉花糖味,但用咩材料,Hugo就唔肯講,但就話不外乎要用紐西蘭牛油、日本麵粉。

咁係咪主打強國人?「諗都冇諗過。我們定位好清晰:做本地客,新一代白領80後、90後,會有下午茶文化,鍾意食馬卡龍、曲奇的女性。」

人哋熊仔,咁兔仔又搞邊科?「原因就是我們這班朋友,經常出來玩啤牌,也有朋友鍾意玩魔呔,有天見到朋友的兔子,打了個煲呔,我靈機一觸,兔仔、魔術、啤牌,搞一隻魔幻魔術兔,都幾得意,年輕一代鍾意這種感覺。」

Hugo和他另外兩個拍檔,自稱三十來歲的八十後,同樣來自金融界,但身分神秘,做訪問都要戴黑超。「我自己也有一些投資,為了避免過早暴露身分,不如我拿私伙眼鏡,給大家戴一戴,凸顯一下我們的年輕路線。」

大男人有股唔炒走去整餅,背後有一個老土故事,「我拍檔Rich,為了在他太太的生日派對上給她一個驚喜,就徹夜研究整曲奇餅,怎料當日除了他太太外,現場女嘉賓都很驚喜,覺得好食,當時我們覺得,可以試下放在instagram上試做。」點知真係反應唔錯,幾支公得閒就送貨。「當時女士顧客的反應是:Mr. Rich真的是男人?」剛過去的星期六,他們就找了兩個男模,在Sogo促銷,結果吸引咗成班強國大媽左右夾攻,真係戥男模辛苦。

三個金融佬,愈諗愈有得做。「我們可以不靠實體鋪,用一個O to O的形式,Online Offline的方式去融入消費,透過不同的網購平台,送到顧客家中,或順豐站,便利店,我當時便說,這形式,香港沒人做,有得做,因為女性甜品市場是存在的。」

Mr. Rich主打網購平台,除了自己網站有得賣,HKTV Mall、Finger Shopping等平台都有它們的蹤影。他們沒設自家實體店,但有在不同地方寄賣,例如太古城Apita、近日就進軍Sogo、順豐的各大取貨中心,連尖沙咀山寨珍妮熱點重慶站,都有賣他們的曲奇。Hugo說,他們自去年八月正式開業,現時一日可以賣到七百至八百罐。「對於年輕一代,電子商與是更方便,起碼不用排隊。」

三人共擲了二百萬,在牛頭角工廈設廠,Hugo做市場規劃,Rich研究新口味,另一不開名的拍檔就主理行政。產品現時有兩款,大裝五味版賣一百廿六元,細裝兩味版賣六十八元,他們去年七月正式拿到牌,至今半年,頭一、兩個月已做到收支平衡,「唔係話所有投資都拿了回來,但每個月的人手、材料、租金等成本,已能夠從我們的訂單賺了回來。」Hugo話每月成本大概廿萬,如果以一日賣到八百罐、每罐中位數一百元估算,一個月就有二百四十萬生意,即月賺二百多萬元,生意額更達珍妮的十分之一。呢位曲奇新秀,真係咁堅?

撰文:莫志樑

攝錄:葉漢華

鍾意就快D Share啦!