網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月13日 星期三

咁都爭 重口味四角戀 陳煒苑仔爭 64歲鄭則仕 [FACE - 451] 鄭則仕,陳煒,MF,

拍到凌晨都未收得工,搞到64歲鄭則仕瞌晒眼瞓,反而陳煒同香香就好精神有講有笑!真面目咁都爭 重口味四角戀 陳煒苑仔爭64歲鄭則仕《梟雄》令42歲陳煒正式坐正一線花旦位,雖然台慶冇獎,不過觀眾激讚「桂生姐」演技出色,好戲過同樣由亞視過檔的萬綺雯。以為從此可以騎住世仇上位,新劇《火線下的江湖大佬》又有得做女一,點知煒哥今次對手竟然係57歲黃光亮同64歲鄭則仕。劇中除了要同苑瓊丹爭仔,仲要有個31歲囡囡 ...


拍到凌晨都未收得工,搞到 64歲鄭則仕瞌晒眼瞓,反而陳煒同香香就好精神有講有笑!

真面目

咁都爭 重口味四角戀 陳煒苑仔爭 64歲鄭則仕

《梟雄》令 42歲陳煒正式坐正一線花旦位,雖然台慶冇獎,不過觀眾激讚「桂生姐」演技出色,好戲過同樣由亞視過檔的萬綺雯。

以為從此可以騎住世仇上位,新劇《火線下的江湖大佬》又有得做女一,點知煒哥今次對手竟然係 57歲黃光亮同 64歲鄭則仕。劇中除了要同苑瓊丹爭仔,仲要有個 31歲囡囡岑麗香!

煒哥啱啱先同大台續約 8年,呢啲重口味膠劇有排捱呀!

剛剛續約 8年的陳煒,終於受到大台力捧,劇接劇冇停手,試過兩套黃金時段劇集都有佢份,曝光率高得嚇人!

加埋 215歲

有機會上位,煒哥當然唔會放過任何一個做女一的機會。新劇《火線下的江湖大佬》早前開機,煒哥竟然被安排同黃光亮、鄭則仕及苑瓊丹搞四角戀,四個加埋成 215歲都要玩爭仔,相當重口味!

上週一(4日),煒哥同鄭則仕開工,同場仲有飾演兩人囡囡的岑麗香。其實香香今年已經 31歲,只比煒哥細 11年,加上煒哥保養好,點都睇唔出佢有香香咁大個女!

鄭則仕飾演退休江湖大佬,轉行開小菜館做老闆。(網上圖片)

42歲煒哥要做 31歲香香阿媽

點睇陳煒同香香都似姊妹多過母女,至於肥貓呢?個樣同表情都真係冇變過囉!(網上圖片)

四角關係七國咁亂,黃光亮同苑仔係夫妻,同陳煒又係前度,而陳煒同鄭則仕結咗婚生咗個女,又想同黃光亮復合,好亂呀!(網上圖片)

撈埋飲食節目

當晚拍到凌晨時份,鄭則仕開始瞌眼瞓冇乜精神,反而煒哥同香香愈拍愈精神,等埋位時不斷對劇本,又同工作人員有講有笑,捱夜完全唔係問題。據知另外一場戲中,煒哥更會被飾演其前度的黃光亮喪摑 6巴,真係隔住個「芒」都覺得痛!

肯搏又肯捱,煒哥今年除了有兩套劇在手外,亦有一個為佢度身訂做的飲食節目開拍,到時撈多瓣主持,總算在大台搵到位企

陳煒(左一)同鄭則仕(後中)做夫妻,香香就糾纏喺楊明同陳山聰之間,聽到都覺得煩。(網上圖片)

鄭則仕同陳煒早於 97年《屋企有個肥大佬》已合作做兄妹。(電視畫面)

陳煒喺《梟雄》的表現被激讚,可惜台慶依然冇獎攞。

網上圖片

專啃硬嘢

萬綺雯空降大台後,套套劇都係女一,而且拍檔係一線小生郭晉安、歐陽震華等,相反陳煒則命苦得多,對上三套劇都要同二線中佬談情,陰功豬呀!

網上圖片

57歲湯鎮業

《梟雄》中與湯鎮業做夫妻,雖然湯鎮業後生出名有型,不過𠵱家竟然禿頭兼有肚腩,慘變中坑!

網上圖片

56歲單立文

《實習天使》中同單立文舊情復熾仲生埋女,好在情敵係姚子羚,總算拉番低個平均年齡!

網上圖片

40歲泰臣

在《東坡家事》飾演「河東獅」柳月娥,同泰臣(翟凱泰)做夫婦,又要同蝦頭楊詩敏爭仔。

採訪、撰文:娛樂組

攝影:娛樂突發組


鍾意就快D Share啦!