掃呢頁CODE去手機

2016年1月27日 星期三

大作戰 真人騷惡鬥金秀賢妹  As One混血隊長執死雞攻韓 [FACE - 453] __,金秀賢,As One,MF,

Shin被要求喺睇唔到箱入面嘅情況下摸死雞,咁似獎門人啲遊戲嘅?真面目大作戰 真人騷惡鬥金秀賢妹 AsOne混血隊長執死雞攻韓北上搵人仔係大勢所趨,唔少韓星寧願瞓少幾個鐘都要飛轉大陸搵錢,偏偏香港女團AsOne的中韓混血隊長Shin(吳思佳),單飛到韓國參加真人騷《Produce101》。22歲Shin精通韓語,不過比賽有101位來自多國的少女參賽,當中更有男神金秀賢同父異母細妹金珠娜。男神個妹有 ...


Shin被要求喺睇唔到箱入面嘅情況下摸死雞,咁似獎門人啲遊戲嘅?

真面目

大作戰 真人騷惡鬥金秀賢妹  As One混血隊長執死雞攻韓

北上搵人仔係大勢所趨,唔少韓星寧願瞓少幾個鐘都要飛轉大陸搵錢,偏偏香港女團 As One的中韓混血隊長 Shin(吳思佳),單飛到韓國參加真人騷《 Produce 101》。

22歲 Shin精通韓語,不過比賽有 101位來自多國的少女參賽,當中更有男神金秀賢同父異母細妹金珠娜。男神個妹有背景有話題有歌喉, Shin惟有靠自己突圍,就算其中一個環節要徒手執死雞,都要頂硬上

12年組成的女團組合 As One,成員不斷換人,人數由四變三再變五,到上年 7月又重新以四人組合出新歌〈 Candy Ball〉,更打入韓國市場,曾被當地 SBS及 MBC兩大電視台邀請做表演嘉賓。

金秀賢妹金珠娜遺傳歌手父親金忠勳把靚聲,一開口唱歌已聽到評判 O晒嘴。(電視畫面)

中韓混血 Shin樣靚又有長腿,夠條件去韓國發展

101選 11組女團

開始有人識, As One隊長 Shin食住條水,決定單飛到韓國參加由 Mnet舉辦的真人騷《 Produce 101》。節目有來自中日韓等地的少女參加, Shin要在 101人中成功入圍頭 11名,先有機會接受訓練,以女團身份出道接 job。

節目上週五( 22日)播出第一集,暫時未輪到 Shin出場,但 Shin在早前的熱身環節中已經搏到盡,徒手摸死雞,嚇到不斷尖叫。 2月 13日將進行首輪淘汰,到時有機會篩走三份一參賽者!

全女班作戰

101人入面揀 11人,冇番咁上下實力都好難入圍。(網上圖片)

Shin(右)同節目中其他成員感情唔錯,不時攬頭攬頸合照。(網上圖片)

繼續做隊長

早有經驗

As One的〈 Candy Ball〉曾在韓國派台,四位成員亦上過當地電視台表演。(電視畫面)

如果成功進入 11強, Shin會以 Mnet旗下藝人身份進行 10個月的特訓,最後會以「亞洲最強 11」女團組合出道。不過 101人中臥虎藏龍,其中金秀賢同父異母細妹金珠娜唱歌極有天份,第一集唱 Jessie J.名曲〈 Who You Are〉即攞 A,好有機會入圍。

不過公司非常重視 Shin,單飛比賽仍然繼續留喺 As One做隊長,據知 Shin與太陽娛樂仍有合約,萬一攻韓失敗都有後路。鹿晗離開 EXO後返到中國紅過以前, Shin返香港可能仲有運行添喎!

電視畫面

《爭崩頭》

由韓國娛樂公司 Mnet舉辦的《 Produce 101》,由張根碩主持,以真人騷形式進行。 101位女練習生會一齊生活,期間要完成各種任務及才藝表演,最後獲選的 11位成員將組成女團發行單曲。

泡菜兵團

Kpop潮未停過,唔少港星除了北上掘金,亦會到韓國發展,其中 Angelababy同湯唯不時與韓國藝人合作,香港仔 Jackson更索性以韓國男團身份出道添!

《蘋果日報》圖片

Jackson

10年通過 JYP娛樂香港區選拔到韓國做實習生的 Jackson(王嘉爾), 14年與另外 6位成員正式以 Got7組合出道。

湯唯

早於 10年已與男星玄彬拍電影《晚秋》, 14年嫁俾韓國導演金泰勇,被當地傳媒封為「韓國媳婦」。

Angelababy

曾與金秀賢合作拍廣告的 Baby,在韓國知名度頗高,當地機場、巴士車身及旅遊景點都不時見到 Baby代言的廣告。

採訪、撰文:娛樂組


鍾意就快D Share啦!