蔡思貝早前疑捲入假學歷事件，仍被大台力撐做當家小花，由於把聲嬌嗲、為人夠晒熱情，更被封為大台「發電機」，不時同大台藝員傳出緋聞。今日周刊爆料，指佢雖然同「舞男」男友麥秋成拍拖兼同居，但近日竟然向「余黨」洪永城埋手，被報道影到佢上周一約洪永城喺西貢運動去做運動，拉筋嗰陣，忽然坐地提腿，向天「腿張開」，凌空擘腿呈100度角，又開又合做熱身，搞到洪永城不知幾尷尬，佢哋邊跑邊傾，玩咗兩個鐘，當二人並肩行、打情罵俏嗰陣，佢哋亦四圍望，一見現場有記者，佢哋即分別揸車走人。據報道稱，佢哋係早前拍《味想天開》開始行得好埋，套劇煞科後，蔡思貝拎咗一個月去調理身體，而洪永城亦請咗一個月假，佢哋放假期間，亦有約埋一齊做運動，就連洪永城早前拍娛樂節目，搵人同佢玩滑翔傘，佢都係諗起蔡思貝，報道又指，拍攝現場都幾大風，洪永城成程都好照顧蔡思貝，最後，佢仲上咗蔡思貝架車一齊走人。有知情者向報道爆，早前拍完劇，洪永城同蔡思貝一齊請工作人員BBQ，當日洪永城仲主動幫蔡思貝燒雞翼，更有指唐詩詠都聞到啲「味」，主動提出分手兼搬離愛巢，又傳佢哋嗌交，報道仲講到唐詩詠近日同蔡思貝做宣傳，唐詩詠都黑晒面，忍唔住睥咗一睥蔡思貝。周刊有問過蔡思貝，佢就話約出嚟好平常!
來源 source: http://hk.apple.nextmedia.com
|
鍾意就快D Share啦！
|
|
|
