現年31歲的傅嘉莉（Kelly），前年俾本報影到佢同擁過百億身家、年約55歲嘅已婚肥叔叔的士車廂又攬又啜，又傳佢獲一手帶佢入行嘅上海仔寵愛，最後因為傅嘉莉媾仔而失寵。最新發展係有周刊踢爆，指傅嘉莉同法拉利代理、已婚富豪莊天龍（Benny）過從甚密。（相關報道： http://bit.ly/1lqn09L）據了解Benny太太係家庭主婦，育有兩名兒子。傅嘉莉與Benny前年開始認識，有傳男方陪佢去過日本慶祝生日，同年暑假再出發去米蘭，人仲頭貼頭影合照兼主動錫對方。至去年9月兩人又再去日本北海道玩。生財有道嘅傅嘉莉，雖然月入僅兩萬餘元，但出入坐寶馬兼有司機接送外，更月租6萬住南灣千呎豪宅。滿頭問號，傅嘉莉即突然缺席無綫活動，避風頭唔回應。今日傅嘉莉喺會展出席彩妝騷，同楊淇等做做model示範，同場仲有蘇麗珊，莊思敏同胡琳等人。傅嘉莉當然被問到同莊天龍係咩關係，佢有備而嚟回答:「朋友囉，由認識開始都係朋友。」但去歐遊蜜照錫鍚相曝光喎?佢話:「我哋一大班人去旅行，有飲下酒食下飯，我就飲醉酒，有group photo有selfie，我同朋友影相鐘意轉唔同動作，知道玩過咗火，知道後會留意，唔想引起不必要誤會，會多多留意。」問佢點解影相時唔迴避?佢話:「咁影相時好開心，我冇刻意咁做，係自己玩過咗籠。」問佢當時知唔知對方已婚，係咪有追求之意?佢堅稱:「當時未知(對方已婚)，冇追求之意，絕對唔係情侶關係。」
|
鍾意就快D Share啦！
|
|
|
