現年45歲嘅小儀甩拖dry足5年，最近幫大台拍劇做擔正，今日有周刊爆佢有抑鬱，要日日扮開心去宣傳，又話佢疑有抑鬱症，要睇森美個醫生!據報道稱，小儀自從5年前慘被出版社CEO飛甩，因為小儀要兼顧電台及拍劇兩份工，休息不足，加上壓力大，所以疑有抑鬱需要求醫，由於森美早年都患上抑鬱，要靠藥物同信仰，令個病痊癒。報道又爆，小儀早前求醫，病情已有好轉，目前生活都係獨來獨往，周刊早前都有問過森美，佢就話有時人哋演員拍到凌晨都可以返去瞓幾個鐘，但小儀又要返電台，跟手又去拍外景，森美都話有聽過小儀呻辛苦，捱唔住，但森美認為小儀個人樂觀，冇抑鬱，又指小儀已經睇化咗，冇話45歲一定要嫁，小儀身邊都有好多男性朋友。而小儀噚日都喺微博回應稱太好笑，話佢有抑鬱，續道：「但講到底又係話我因為冇拖拍而抑鬱!抑唔抑呢唔係自己話或佢哋話，要醫生講至信！其實，如果想我冇佢哋所謂嘅『抑鬱』，你哋肯講真嘢，唔好屈我，我就冇事㗎嘞!」
來源 source: http://hk.apple.nextmedia.com
|
鍾意就快D Share啦！
|
|
|
