2016年1月13日 星期三

冇晒影 冇份宣傳 星爺用完即棄「美人魚」 [FACE - 451] 星爺,美人魚,MF,周星馳

週一宣傳新戲,周星馳全程護住新女林允(右),錫到燶!真面目冇晒影 冇份宣傳 星爺用完即棄「美人魚」自13年執導《西遊•降魔篇》,周星馳新作《美人魚》拍足年半終於出爐。新片成本高達6,000萬美金,卡士除了小豬羅志祥,亦有小鮮肉吳亦凡、鄧超及張雨綺;而女一冇起用一線巨星,反而由12萬平民中選中18歲新人林允。曾經被郭富城暗溝的周秀娜師妹Kabby(許雅婷)亦被睇中,飾演其中一條美人魚。又要參選又要練 ...


週一宣傳新戲,周星馳全程護住新女林允(右),錫到燶!

真面目

冇晒影 冇份宣傳 星爺用完即棄「美人魚」

自 13年執導《西遊•降魔篇》,周星馳新作《美人魚》拍足年半終於出爐。

新片成本高達 6,000萬美金,卡士除了小豬羅志祥,亦有小鮮肉吳亦凡、鄧超及張雨綺;而女一冇起用一線巨星,反而由 12萬平民中選中 18歲新人林允。

曾經被郭富城暗溝的周秀娜師妹 Kabby(許雅婷)亦被睇中,飾演其中一條美人魚。又要參選又要練水,但搞足多月原來只得幾日戲份,仲要被用完即棄,宣傳都冇份!難怪 Kabby條氣唔多順︰「拍乜都唔清楚!」

愛用新人的星爺,早於 14年已開始為女一選角,當時多達 12萬人自薦,到同年 9月再舉行決賽,最終由 18歲浙江 model林允當選。

「唔係跟劇本去做」

除了林允,另外 5名入選參賽者中,亦有周秀娜師妹 Kabby、松岡李那同「寸嘴 Barbie」夏尉喻。三個𡃁模在決賽要着低胸珠片衫扮美人魚表演,仲要當眾卸妝被星爺親驗有冇後天加工靚樣,少啲勇氣都唔掂!

不過選得到未必好,貴為其中一條美人魚的 Kabby,竟然話拍完都唔知自己拍乜,「我嗰場戲拍咗幾日,實則係講啲乜都唔係咁清楚,因為冇劇本,亦都唔係跟劇本去做。宣傳方面我都唔知,因為未收到通知,同埋未正式上映。」

林允被指係大 S同舒淇混合體,難怪被星爺睇中

Kabby為取得演出機會,早於選舉前一個月已開始同「寸嘴 Barbie」(左)、蔚雨芯(左二)同松岡(右二)練水。

Kabby有份扮演美人魚,不過戲份得幾日,上映版本隨時淪為一秒過鏡。

錫晒林允•鬧爆鄧超

Kabby話晒係港產𡃁模,但星爺週一( 11日)在香港為新戲宣傳,竟然冇預 Kabby,只帶小豬同新「星女郎」林允同行。期間星爺全程護住林允,合照時又讓出中間位,錫到出晒面。

偏心小豬同林允,據知星爺在拍攝現場對兩人相當有耐性,尤其對零演出經驗的林允,更加細心指導。相反對住擅於搞笑的內地男星鄧超,星爺的要求就高好多,試過一場海邊戲要 NG廿幾次,星爺更當面手指指鬧爆鄧超!巨星都冇面俾, Kabby被用完即棄其實 no big deal

14年 9月決賽,林允(右四)已揮低 Kabby(左一)同松岡李那(右一)企星爺隔籬。《蘋果日報》圖片

《美人魚》喺北京開記招,連客串的李尚正(左)都有份出席,但 Kabby就連影都冇。(網上圖片)

新星女郎似舒淇

成功從 12萬人中脫穎而出做《美人魚》女一的 18歲浙江妹妹林允,全無演出經驗,只在當地做過平面 model。 34B林允被指係大 S同舒淇混合體,又清純又有身材,要被星爺睇中其實唔難!

林允扮美人魚,小豬則要扮八爪魚,造型超騎呢;而男一鄧超就飾演富豪,同張雨綺係兩公婆,戲份相當重!

拍完《美人魚》,林允迅即爆紅,有份拍大片《爵迹》,與范冰冰等巨星合作。(網上圖片)

吊威吔都係親自上陣,唔使替身。(網上圖片)

小豬喺戲中扮八爪魚,搞笑居多。(網上圖片)

鄧超(左)除咗係男一,更被星爺欽點唱主題曲〈無敵〉。(網上圖片)

紅爆內地的小鮮肉吳亦凡(左)亦有份演出。(網上圖片)

採訪、撰文、攝影:娛樂組


鍾意就快D Share啦!
Related Posts Plugin for WordPress, Blogger...