網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年1月20日 星期三

中大舞台女神 最想去荷里活 [FACE - 452 - 大專校園] __,女神,MF,

羅嘉敏Carmen19歲中大地理及資源管理學Yr.2ig:carmen.vicky.pollard「最難忘係有次喺學校飾演耶穌,因為一嚟我要反串男角色,滿面鬍鬚之餘仲要壓低把聲。二嚟我唔信教,所以我排練嗰2個禮拜喪煲聖經,狂睇耶穌嘅事迹!」U花U草中大舞台女神 最想去荷里活跳舞、唱歌、演戲易學難精,要精一樣起碼要苦練幾年時間,偏偏讀中大地理及資源管理學Yr.2嘅羅嘉敏(Carmen)跳、唱、演無一 ...


羅嘉敏 Carmen 19歲

中大地理及資源管理學 Yr.2

ig: carmen.vicky.pollard

「最難忘係有次喺學校飾演耶穌,因為一嚟我要反串男角色,滿面鬍鬚之餘仲要壓低把聲。二嚟我唔信教,所以我排練嗰 2個禮拜喪煲聖經,狂睇耶穌嘅事迹!」

U花 U草

中大舞台女神 最想去荷里活

跳舞、唱歌、演戲易學難精,要精一樣起碼要苦練幾年時間,偏偏讀中大地理及資源管理學 Yr.2嘅羅嘉敏( Carmen)跳、唱、演無一不愛,玩埋音樂舞台劇,咁就可以一次過滿足晒 3個願望!

「中學時期已經好鍾意唱歌、跳舞同做戲,咁啱學校有音樂舞台劇團,可以同時做晒 3樣嘢,我隻眼梗係發晒光即刻報名入團。可能有人上台表演俾幾百對眼望住會超緊張,但我好享受喺台上俾人望實嘅感覺,因為觀眾眼定定𥄫實自己代表你演得好睇,佢哋唔留意你,掛住㩒手機瞌眼瞓你先驚」

不過音樂舞台劇同 Carmen𠵱家讀緊嘅地理系大纜都扯唔埋,佢都好老實咁話:「讀 geog都係諗住拎個學位保障自己,雖然唔排除將來會做關於地理嘅工作,好似測量或者地理老師,但其實我最想畢完業去英國或者荷里活去讀演藝,因為去啲殿堂級嘅音樂舞台劇發源地進修係我一直以嚟嘅夢想,所以我𠵱家都好努力儲緊 portfolio!」

以往 Carmen都係飾演灰姑娘,或如《 Frozen》入面嘅 Anna等公主 feel嘅角色。問佢有冇演過一啲好醜嘅醜角,佢就話好少。

Carmen讀中學時成日會俾人笑係「真光豬」,聽落係咪同「 BB豬」嗰啲一樣咁得意呢,點知佢話:「其實油麻地真光不嬲俾人笑係『扒房』,所以個豬係解……你懂的!」

Carmen個 ig名係咪好長呢?其實後面 vicky pollard係英國電視劇集《大英國小人物》入面其中一個女演員嚟, Carmen因為瘋狂迷戀佢做戲,所以咪用埋佢個名囉!

撰文:彭家駿

攝影:范仲良


鍾意就快D Share啦!